ജന്മദിന സമ്മേളനം

കണ്ണൂർ:ജനശ്രീ സുസ്ഥിര വികസന മിഷന്റെ 16 ാം മത് ജന്മദിന സമ്മേളനം ഒന്നിന് വൈകീട്ട് മൂന്നിന് കണ്ണൂർ ജവഹർ ഓഡി​റ്റോറിയത്തിൽ നടക്കുമെന്ന് ഭാരവാഹികൾ വാർത്താസമ്മേളനത്തിൽ പറഞ്ഞു.സംസ്ഥാന ചെയർമാൻ എം.എം.ഹസ്സൻ ഉദ്ഘാടനം ചെയ്യും. ജില്ലാ ചെയർമാൻ ചന്ദ്രൻ തില്ലങ്കേരി അദ്ധ്യക്ഷത വഹിക്കും.ഡി.സി.സി. പ്രസിഡന്റ് അഡ്വ.മാർട്ടിൻ ജോർജ്, കെ.പി.സി.സി. ജനറൽ സെക്രട്ടറി അഡ്വ.സോണി സെബാസ്​റ്റ്യൻ, മേയർ അഡ്വ.ടി.ഒ.മോഹനൻ, ഡെപ്യൂട്ടി മേയർ കെ.ഷബീന എന്നിവർ പങ്കെടുക്കും.കുടുംബ കൂട്ടായ്മയിലൂടെ സുസ്ഥിര വികസനമെന്ന ലക്ഷ്യമു യർത്തിക്കൊണ്ട് 2007ൽ എം.എം.ഹസ്സന്റെ നേതൃത്വത്തിൽ ആരംഭിച്ച സർക്കാരിതര സ്വാശ്രയ സംഘടനയാണ് ജനശ്രീ.

ഒന്നിന് നടത്തുന്ന ജന്മവാർഷിക സമ്മേളനത്തിൽ ഒരു യൂണി​റ്റിൽ നിന്ന് അഞ്ച് അംഗങ്ങളാണ് പങ്കെടുക്കുക.വാർത്താ സമ്മേളനത്തിൽ ഭാരവാഹികളായ എം.രത്‌നകുമാർ , ബാലൻ പടിയൂർ എന്നിവർ സംബന്ധിച്ചു.