തൃശൂരിൽ വെടിക്കെട്ട് പുരയിൽ സ്ഫോടനം, ഒരാൾക്ക് ഗുരുതര പരിക്ക്, കിലോമീറ്ററുകൾ അകലെ വരെ പ്രകമ്പനം
Monday 30 January 2023 6:24 PM IST
തൃശൂർ: വടക്കാഞ്ചേരി കുണ്ടന്നൂരിൽ വെടിക്കെട്ട് പുരയിലുണ്ടായ സ്ഫോടനത്തിൽ ഒരാൾക്ക് പരിക്കേറ്റു. ചേലക്കര സ്വദേശി മണിയെന്ന ആൾക്കാണ് ഗുരുതരമായി പരിക്കേറ്റത് . പത്ത് കിലോമീറ്റർ അകലെ വരെ പ്രകമ്പനമുണ്ടായതായി നാട്ടുകാർ പറയുന്നു. വെടിക്കെട്ട് പുര പൂർണമായി കത്തി നശിച്ചു. വെടിക്കെട്ട് പുരയിൽ ഒരാൾ മാത്രമാണ് ഉണ്ടായിരുന്നതെന്നാണ് സൂചന. ശ്രീനിവാസൻ എന്നയാളുടെ പേരിലാണ് വെടിക്കെട്ട് പുരയുടെ ലൈസൻസ്,
ഓട്ടുപാറ അത്താണി മേഖലയിലും കുലുക്കം റിപ്പോർട്ട് ചെയ്തു. രണ്ട് സ്ഫോടനങ്ങളാണ് ഉണ്ടായത്. സ്ഫോടനത്തിന്റെ പ്രകമ്പനം കൊണ്ട് ആളുകൾ വീടുകളിൽ നിന്ന് ഇറങ്ങിയോടുകയായിരുന്നു. തീ അണയ്ക്കാനുള്ള ശ്രമം തുടരുകയാണ്. അപകടത്തിന്റെ കാരണം അറിവായിട്ടില്ല.