ആകർഷിന് നാട് വിട നൽകി

കൊടുമൺ : ഒമാനിലെ സൂറിന് സമീപം വാദി ഷാബിൽ മുങ്ങി മരിച്ച ആകർഷിന് നാട് വിട നൽകി.

അങ്ങാടിക്കൽ തെക്ക് വൈശാഖത്തിൽ സതീഷ് പരമേശ്വര കുറുപ്പിന്റെ മകനാണ് ആകർഷ് (22). .ജോലി അന്വേഷിക്കാൻ വിസിറ്റിംഗ് വിസയിൽ ഒമാനിലെത്തിയതായിരുന്നു. രാത്രി പത്തരയോടെയാണ് മൃതദേഹം കണ്ടെത്തിയത്. റോയൽ ഒമാൻ പൊലീസ് മേൽനടപടികൾ സ്വീകരിച്ചു.നാട്ടിലെത്തിച്ച് സംസ്കാരം നടത്തി. .കൊടുമൺ പൂരം, ഏഴംകുളം കുംഭഭരണി ഉത്സവങ്ങളിൽ തോളിൽ ക്യാമറയുമായി വന്ന് മനോഹരമായ ചിത്രങ്ങൾ ഒപ്പിയെടുക്കുന്ന ആകർഷ് നാടിന്റെ പ്രിയങ്കരനായിരുന്നു.