വീട് കുത്തിത്തുറന്ന് 10 പവൻ സ്വർണം കവർന്നു

പാവറട്ടി: പട്ടാപകൽ വീട് കുത്തിത്തുറന്ന് സ്വർണം മോഷ്ടിച്ചു. പാവറട്ടി പുളിഞ്ചേരി പടിയിൽ താമസിക്കുന്ന പുലിക്കോട്ടിൽ ജോമോന്റെ വീട് കുത്തിത്തുറന്നാണ് സ്വർണം കവർന്നത്. പിൻവശത്തെ വാതിൽ കുത്തിത്തുറന്ന നിലയിലായിരുന്നു. അലമാരയിലെ രണ്ട് ചെപ്പുകളിലായി സൂക്ഷിച്ചിരുന്ന സ്വർണാഭരണങ്ങളിൽ ഒരു ചെപ്പുമായാണ് മോഷ്ടാവ് കടന്നു കളഞ്ഞത്. സമീപത്ത് ചെപ്പിലും സ്വർണാഭരണങ്ങൾ ഉണ്ടായിരുന്നെങ്കിലും അത് എടുത്തിട്ടില്ല. പാവറട്ടി പൊലീസും, ഡോഗ് സ്‌കോഡും, വിരലടയാള വിദഗ്ധർ എന്നിവർ സ്ഥലത്തെത്തി പരശോധന നടത്തി.