വാറ്റ് ചാരായവുമായി ഒരാൾ പിടിയിൽ
Saturday 23 May 2026 1:17 AM IST
പറവൂർ: വാറ്റ് ചാരായവുമായി കൽപ്പടപറമ്പിൽ (കോഴിക്കാടൻ) കുഞ്ഞപ്പനെ (58) റൂറൽ എസ്.പിയുടെ പ്രത്യേക ഡാൻസാഫ് സംഘം അറസ്റ്റുചെയ്തു. തത്തപ്പിള്ളി അത്താണിയിൽ ഇയാളുടെ വീട്ടിൽനിന്ന് ഒന്നരലിറ്റർ വാറ്റ് ചാരായം കണ്ടെടുത്തു. ഇന്നലെ രാവിലെ വീട്ടിൽ നടത്തിയ പരിശോധനയിലാണ് ചാരായം പിടികൂടിയത്. പ്രതിയെ പറവൂർ പൊലീസിന് കൈമാറി. കോടതിയിൽ ഹാജരാക്കി റിമാൻഡ് ചെയ്തു.