നാമനിർദേശം ക്ഷണിച്ചു

ആലുവ: ആലുവ യു.സി കോളേജ് ശതാബ്ദി ആഘോഷങ്ങളുടെ ഭാഗമായി വിവിധ മേഖലകളിൽ ശ്രദ്ധേയമായ സംഭാവനകൾ നൽകിയ 100 പൂർവ വിദ്യാർത്ഥികളെ ശതാബ്ദി സ്മാരക പ്രതിഭാ പുരസ്കാരം നൽകി ആദരിക്കും. ശാസ്ത്ര, സാങ്കേതിക മേഖല, സാഹിത്യം, പരിസ്ഥിതി, കായികം, മാദ്ധ്യമം, സാമൂഹ്യ പ്രവർത്തനം, വിദ്യാഭ്യാസം, നിയമം, കല, ഭരണനിർവഹണം, വ്യവസായം, സംരംഭകത്വം എന്നീ 10 മേഖലകളിൽ നേട്ടം കൈവരിച്ചവർക്കാണ് പുരസ്കാരം. സമാപന സമ്മേളനത്തോടനുബന്ധിച്ച് പുരസ്കാരങ്ങൾ വിതരണം ചെയ്യും. വ്യക്തിഗത വിവരണങ്ങളും മറ്റു വിശദാംശങ്ങളും 2024 ജനുവരി അഞ്ചിന് മുമ്പ് www.uccollege.edu.in എന്ന വെബ്സൈറ്റിൽ ലഭ്യമായ ഗൂഗിൾ ഫോമിലൂടെ സമർപ്പിക്കക്കണം. വിവരങ്ങൾക്ക്: 8075721978.