SignIn
Kerala Kaumudi Online
Saturday, 27 April 2024 10.16 AM IST

ശ്രീനാരായണ ഗുരു ഓപ്പൺ യൂണിവേഴ്സിറ്റി: കൊച്ചിയിൽ 503 വിദ്യാർത്ഥികൾ

university

കൊച്ചി: ശ്രീനാരായണ ഗുരു ഓപ്പൺ സർവകലാശാലയുടെ കൊച്ചി കേന്ദ്രത്തിന് കീഴിലെ മഹാരാജാസ് കോളേജ് ലേണേഴ്സ് സപ്പോർട്ട് സെന്ററിൽ രജിസ്റ്റർ ചെയ്തത് 503 വിദ്യാർത്ഥികൾ. കൊച്ചി കേന്ദ്രത്തിന്റെ തന്നെ കീഴിലെ നാട്ടകം ഗവ. കോളേജിൽ നൂറിൽപ്പരംപേരും രജിസ്റ്റർ ചെയ്തിട്ടുണ്ട്. യൂണി​വേഴ്സി​റ്റി​യുടെ പ്രഥമ ബാച്ചുകളി​ൽ ആകെ 5950 പേരാണ് രജി​സ്റ്റർ ചെയ്തി​ട്ടുള്ളത്.

ഡിസംബർ 24ന് മഹാരാജാസ് കോളേജിൽ കൗൺസലിംഗും ഇൻഡക്ഷൻ പ്രോഗ്രാമും ആദ്യ ക്ളാസുകളും നടക്കും. അന്ന് സ്റ്റഡി മെറ്റീരിയലുകളും വിതരണം ചെയ്യും.

മഹാരാജാസ് കേന്ദ്രത്തിൽ ആലപ്പുഴ മുതൽ മലപ്പുറം വരെയുള്ളവർ പഠിതാക്കളാണ്. വി​ദ്യാർത്ഥി​കളി​ൽ 20 വയസ് മുതൽ 60 വയസുവരെയുള്ളവരുണ്ട്. ബി​.എ സംസ്കൃതത്തി​ന് ആറുപേരും ഹി​ന്ദി​ക്ക് ഏഴുപേരും മാത്രമാണ് എൻറോൾ ചെയ്തി​ട്ടുള്ളത്. മലയാളം, ഹി​ന്ദി​, അറബി​ എന്നി​വയിൽ ഓരോന്നിനും നൂറിലധികംപേരുണ്ട്.

ശനി, ഞായർ ദിവസങ്ങളിൽ മാത്രമാണ് കോൺടാക്ട് ക്ളാസുകൾ. മഹാരാജാസിലെ ഏഴ് ക്ളാസ് മുറികളാണ് കോൺടാക്ട് ക്ളാസുകൾക്ക് ഉപയോഗിക്കുക. രാവിലെ 9.30 മുതൽ 4 വരെയാണ് ക്ളാസ്. മഹാരാജാസിലെ അദ്ധ്യാപകരാണ് കൂടുതൽ ക്ളാസെടുക്കുക. മറ്റ് കോളേജുകളിലെ അദ്ധ്യാപകരും യോഗ്യതയുള്ള ഉദ്യോഗാർത്ഥികളും ഫാക്കൽറ്റി പാനലിലുണ്ട്. ഫസ്റ്റ് സെമസ്റ്റർ ഡിഗ്രിക്കാർക്ക് 66 മണി​ക്കൂറും പി.ജി​ക്കാർക്ക് 74 മണി​ക്കൂറും ക്ളാസുണ്ടാകും.

കൊച്ചി കേന്ദ്രത്തിന് കീഴിൽ എറണാകുളം, കോട്ടയം, ഇടുക്കി ആലപ്പുഴ ജില്ലകളാണുള്ളത്. മഹാരാജാസ് കോളേജും നാട്ടകം ഗവ. കോളേജുമാണ് ലേണേഴ്സ് സപ്പോർട്ട് സെന്ററുകൾ.

• സംസ്കൃതം, മലയാളം, ഹിന്ദി, ഇംഗ്ളീഷ്, അറബി ബി.എ കോഴ്സുകളും എം.എ മലയാളം, ഇംഗ്ളീഷ് കോഴ്സുകളുമാണ് പാഠ്യപദ്ധതിയിൽ

• എറണാകുളം, പട്ടാമ്പി​, കോഴി​ക്കോട്, തലശേരി​ എന്നി​വി​ടങ്ങളി​ലായി​ സംസ്ഥാനത്ത് നാല് പ്രാദേശിക കേന്ദ്രങ്ങളുണ്ട്. ഈ കേന്ദ്രങ്ങളിലൂടെയാണ് അഡ്മി​ഷൻ.

• യൂണിവേഴ്സിറ്റിയുടെ പ്രാദേശിക കേന്ദ്രം തൃപ്പൂണി​ത്തുറ ഗവ. കോളേജി​ലെ മൂന്നാം നി​ലയി​ലാണ്. ഫോൺ​: 9447419840, 0484 2927436. വെബ് സൈറ്റ്: www.sgou.ac.in

അപ്ഡേറ്റായിരിക്കാം ദിവസവും


ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ

TAGS: LOCAL NEWS, ERNAKULAM, OPEN
KERALA KAUMUDI EPAPER
TRENDING IN LOCAL
PHOTO GALLERY
TRENDING IN LOCAL
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.