കളിയാട്ട മഹോത്സവ ധന സമാഹരണം

കാഞ്ഞങ്ങാട്: മാർച്ച് 16, 17 തീയതികളിലായി നടക്കുന്ന വെള്ളിക്കോത്ത് കാരക്കുഴി ചോണാർ തറവാട് ചുള്ളിക്കര ചാമുണ്ഡി, കരിഞ്ചാമുണ്ഡിയമ്മ ദേവസ്ഥാനം കളിയാട്ട മഹോത്സവത്തിന്റെ ധന ശേഖരണ ഉദ്ഘാടനവും പോസ്റ്റർ, സ്റ്റിക്കർ, സമ്മാനകൂപ്പൺ പ്രകാശന കർമ്മവും ദേവസ്ഥാനത്ത് കാഞ്ഞങ്ങാട് ബ്ലോക്ക് പഞ്ചായത്ത് പ്രസിഡന്റ് കെ.മണികണ്ഠൻ നിർവഹിച്ചു. ചോണാർ തറവാട് കുടുംബാംഗങ്ങൾ ആദ്യ ഫണ്ട് നൽകി. ആഘോഷ കമ്മിറ്റി ചെയർമാൻ മനോജ് കാരക്കുഴി അദ്ധ്യക്ഷത വഹിച്ചു. പോസ്റ്റർ സ്റ്റിക്കർ, സമ്മാനകൂപ്പൺ എന്നിവ യഥാക്രമം ശ്രീജിത്ത് കാരക്കുഴി, ശശി കാരക്കുഴി, രാജൻ മാക്കരംകോട്ട് എന്നിവർ ഏറ്റുവാങ്ങി. അജാനൂർ ഗ്രാമപഞ്ചായത്ത് അംഗം ബാലകൃഷ്ണൻ വെള്ളിക്കോത്ത്, ബി.ശശി, യതീഷ് വാരിക്കാട്ട് എന്നിവർ സംസാരിച്ചു. ദിനേശൻ തൊട്ടിക്കാൽ സ്വാഗതം പറഞ്ഞു.