വിദ്യാലയങ്ങൾക്ക് സൈക്കിൾ നൽകി

ചെറുപുഴ:വിദ്യാർത്ഥികളെ സൈക്കിൾ സവാരി പഠിപ്പിക്കുന്നതിനായി വിദ്യാലയങ്ങൾക്ക് ചെറുപുഴ ടൗൺ ലയൺസ് ക്ലബ്ബ് സൈക്കിൾ നൽകി.ജില്ലാ ഗവർണർ ടി.കെ.രജീഷ് ചെറുപുഴ ഗ്രാമ പഞ്ചായത്തിലെ പ്രൈമറി സ്കൂൾ പ്രധാനാദ്ധ്യാപകർക്ക് സൈക്കിൾ കൈമാറി. ടൗൺ ലയൺസ് ക്ലബ്ബ് പ്രസിഡന്റ് മഞ്ജു മധു അദ്ധ്യക്ഷത വഹിച്ചു. ശ്രീനിവാസ പൈ,അനൂപ് കേളോത്ത്, കെ.കെ.വേണുഗോപാൽ, പി.റ്റി.ഫ്രാൻസിസ്, വി.പി.സുരേന്ദ്രൻ, എൻ.ജെ.ജോസഫ്,സജി അഗസ്റ്റ്യൻ, ഇ.രവീന്ദ്രൻ,മാത്യു ജോസഫ്, ജിഷ സജി, ഉഷ രവീന്ദ്രൻ എന്നിവർ പ്രസംഗിച്ചു.ചെറുപുഴ ബാലവാടി റോഡ്, കാക്കയംചാൽ-കൊല്ലാട റോഡ് എന്നിവിടങ്ങളിൽ സ്ഥാപിക്കുന്നതിനായി ട്രാഫിക് സേഫ്റ്റി മിററുകളും വീട് റിപ്പയർ ചെയ്യുന്നതിനുള്ള സഹായധനവും ചടങ്ങിൽ വെച്ച് ചെറുപുഴ ടൗൺ ലയൺസ് ക്ലബ്ബ് കൈമാറി.