ചെമ്മന്തൂർ ഹൈസ്കൂൾ വാർഷികാഘോഷവും യാത്രയയപ്പ് സമ്മേളനവും

പുനലൂർ: താലൂക്ക് സമാജത്തിന്റെ നിയന്ത്രണത്തിൽ സ്ഥിതി ചെയ്യുന്ന ചെമ്മന്തൂർ ഹൈസ്കൂളിന്റെ 61-ാം വാർഷികാഘോഷവും രക്ഷാകർത്തൃദിനവും യാത്രയയപ്പുസമ്മേളനവും നടന്നു. നഗരസഭ മുൻ ആക്ടിംഗ് ചെയർമാൻ വി.പി.ഉണ്ണികൃഷ്ണൻ ആഘോഷ പരിപാടികൾ ഉദ്ഘാടനം ചെയ്തു. പി.ടി.എ പ്രസിഡന്റ് ബിജുകാർത്തികേയൻ അദ്ധ്യക്ഷനായി. ശ്രീഹരി മുഖ്യപ്രഭാഷണം നടത്തി. താലൂക്ക് സമാജം പ്രസിഡന്റ് അഡ്വ.എസ്.എം.ഖലീൽ ലഹരി വിമുക്ത കാമ്പയിനും കലാപരിപാടികൾ നടി മ‌ഞ്ജുവിജേഷും ഉദ്ഘാടനം ചെയ്തു.സമാജം സ്കൂൾ മാനേജർ അശോക് ബി.വിക്രമൻ ഫോട്ടോ അനാച്ഛാനവും സമാജം സെക്രട്ടറി സി.വിജയകുമാർ അവാർഡ് വിതരണവും നടത്തി.നഗരസഭ കൗൺസിലർമാരായ കെ.കനകമ്മ, ബിജുകാർത്തികേയൻ,സ്കൂൾ പ്രഥമാദ്ധ്യാപിക ലീന കെ.ഡാനിയേൽ, ഷിബു കെ.ജോർജ്ജ്, എം.ഇന്ദു, കെ.പി.ലത,എം.എം.ബിന്ദു,ആർ.സുജാദേവി ,പി.എലിസബത്ത് ചാക്കോ , എസ്.അശ്വതി, പി.എസ്.ഷൈലജ തുടങ്ങിയവർ സംസാരിച്ചു.