എക്സൈസിൽ കൂട്ട സ്ഥലംമാറ്റം

കൊല്ലം: പുതിയ സർക്കാർ ചുമതലയേറ്റതോടെ എക്സൈസിലും വ്യാപക സ്ഥലംമാറ്റം. വിരമിക്കാൻ 10 ദിവസം മാത്രം ശേഷിക്കെ എക്സൈസ് സ്റ്റാഫ് അസോസിയേഷൻ ജില്ലാ പ്രസിഡന്റ് എ.രാജുവിനെ സ്ഥലം മാറ്റി. കൊല്ലം എക്സൈസ് ഡിവിഷന് കീഴിലുള്ള പല ഉദ്യോഗസ്ഥരെയും 50 കിലോമീറ്ററിലധികം ദൂരെയുള്ള ഓഫീസുകളിലേക്കാണ് മാറ്റിയത്. വിചിത്രമായ കാരണങ്ങൾ ചൂണ്ടിക്കാട്ടിയാണ് സ്ഥലംമാറ്റ ഉത്തരവ് പുറത്തിറക്കിയത്. സ്റ്റാഫ് അസോസിയേഷന് ഒറ്റ സംഘടനയാണുള്ളത്. ഭരണമാറ്റം വരുമ്പോൾ അസോസിയേഷൻ ഭരണകക്ഷികൾക്ക് അനുകൂലമായി മാറുന്നതാണ് രീതി.