ഓൾ കേരള ടെയ്‌ലേഴ്സ് അസോ. ജില്ലാ സമ്മേളനം

കൊല്ലം: ഓൾ കേരള ടെയ്ലേഴ്സ് അസോസിയേഷൻ ജില്ലാ സമ്മേളനം 13ന് കൊല്ലം സി.എസ്.ഐ കൺവെൻഷൻ സെന്ററിൽ നടക്കും. കഴിഞ്ഞ വർഷങ്ങളിൽ കൊവിഡായതിനാൽ നടത്താൻ കഴിയാതിരുന്ന സമ്മേളനം കൊവിഡ് മാനദണ്ഡപ്രകാരം പ്രകടനവും പൊതുസമ്മേളനവും ഒഴിവാക്കിയാണ് നടത്തുന്നത്. 13ന് രാവിലെ 9ന് ജില്ലാ പ്രസിഡന്റ് പതാക ഉയർത്തും. സംസ്ഥാന ജനറൽ സെക്രട്ടറി എൻ.സി. ബാബു സമ്മേളനം ഉദ്ഘാടനം ചെയ്യും. സംസ്ഥാന ട്രഷറർ ജി. കാർത്തികേയൻ റിപ്പോർട്ട് അവതരിപ്പിക്കും. ജില്ലയുടെ വിവിധ ഏരിയാകളിൽ നിന്നായി 321 പ്രതിനിധികൾ പങ്കെടുക്കും.