സിനിമാ വിശേഷവുമായി ​അന്റോണിയോ രാമനാട്ടുകര ഗണപത് സ്‌കൂളിൽ

രാമനാട്ടുകര:​രാമനാട്ടുകര ഗണപത് എ.യു.പി.ബി സ്ക്കൂളിൽ സിനിമാ വിശേഷങ്ങളുമായി വിദേശ സിനിമാക്കാരൻ എത്തിയത് വിദ്യാർത്ഥികൾക്കും അദ്ധ്യാപകർക്കും നവ്യാനുഭവമായി. ​

പൂനെ ഇന്റർനാഷണൽ ഫിലിം ഫെസ്റ്റിവൽ ജൂറി അംഗമായ അന്റോണിയോ ലാ കാമറ​യാണ് ​​ സ്കൂളിലെ​ത്തിയത്. അദ്ദേഹം ​ കുട്ടിക​ളുമായി ഏറെ നേരം ചങ്ങാത്തത്തിലായി. കുട്ടികളുമായി സിനിമയെ കുറിച്ചും ഷോർട്ട് ഫിലിമുകളെക്കുറിച്ചും സംസാരിച്ച അന്റോണിയോ കുട്ടികളുടെ ചോദ്യങ്ങൾക്ക് മറുപടി നൽകാനും തയ്യാറായി. സിനിമയും ഷോർട്ട് ഫിലിമും തമ്മിലുള്ള അന്തരം ലളിതമായ ഭാഷയിൽ അദ്ദേഹം വിശദീകരിച്ചു.

ഷോർട്ട് ഫിലിം തിരക്കഥാകൃത്തും സ്കൂളിലെ രക്ഷിതാവുമായ ​ ജസീർ തെക്കേക്കര സംബന്ധിച്ചു. പ്രധാനാദ്ധ്യാപകൻ ​ എം.പവിത്രൻ അ​ദ്ധ്യ​ക്ഷത വഹിച്ചു. അ​ദ്ധ്യാ​പികയായ​ പി.എം സിത്താര .​ സ്വാഗതവും ​ എം. രജിത നന്ദിയും പറഞ്ഞു.