മുണ്ടശ്ശേരി കവിതാമത്സരം: കവിതകൾ ക്ഷണിച്ചു

തൃശൂർ: മുണ്ടശ്ശേരി സ്മാരക സമിതി ഏർപ്പെടുത്തിയ 'മുണ്ടശ്ശേരി സ്മാരക കവിതാമത്സര'ത്തിന് കവിതകൾ ക്ഷണിച്ചു. 20 വരിയിൽ കവിയാത്ത കവിത എ ഫോർ സൈസ് പേപ്പറിൽ അരുൺ എസ്‌. തോളൂർ, സെക്രട്ടറി, മുണ്ടശ്ശേരി സ്മാരക സമിതി, ചെമ്പുക്കാവ്, തൃശൂർ 680020 എന്ന വിലാസത്തിൽ അയക്കണം. കവിതാഷീറ്റിൽ സ്വന്തം പേര് എഴുതരുത്. പ്രത്യേക ഷീറ്റിൽ പേരും പോസ്റ്റൽ വിലാസവും മൊബൈൽ നമ്പറും 5 വരിയിൽ കവിയാത്ത ബയോഡേറ്റയും അയച്ചിരിക്കണം. പ്രായപരിധിയില്ല. കവിതകൾ ലഭിക്കേണ്ട അവസാന തീയതി മാർച്ച് ഏഴ്. ഒന്നാം സമ്മാനം: 3000. രണ്ടാം സമ്മാനം: 2000. മൂന്നാം സമ്മാനം: 1000 കാഷ് അവാർഡുകളും പുസ്തകങ്ങളും. പത്തുപേർക്ക് പ്രോത്സാഹനസമ്മാനമായി 600 വീതം വിലയുള്ള പുസ്തകങ്ങൾ നൽകും. വിജയികൾക്ക് പ്രശസ്തിപത്രങ്ങളും നൽകുമെന്ന് സെക്രട്ടറി അരുൺ എസ്‌. തോളൂർ അറിയിച്ചു.