പ്രൊഫ.രവീന്ദ്രനാഥിന്റെ പ്രചരണത്തിന് തുടക്കം

അങ്കമാലി: എൽ.ഡി.എഫ് ചാലക്കുടി പാർലമെന്റ് മണ്ഡലം സ്ഥാനാർത്ഥി പ്രൊഫ.സി.രവീന്ദ്രനാഥിന്റെ തിരഞ്ഞെടുപ്പ് പ്രചരണത്തിന് അങ്കമാലിയിൽ തുടക്കം. നഗരത്തിലെ റോഡ് ഷോയോടെയാണ് പ്രചരണം ആരംഭിച്ചത്.
വാദ്യമേളങ്ങൾ, കരി മരുന്ന് പ്രയോഗം തുടങ്ങിയവയോടെയായിരുന്നു പ്രചരണ പരിപാടി. എ.പി.കുര്യൻ സ്മാരക മന്ദിരത്തിൽ നിന്നാരംഭിച്ച റോഡ് ഷോ ടി.ബി ജംഗ്ഷനിലൂടെ സഞ്ചരിച്ച് സിവിൽ സ്റ്റേഷൻ പരിസരത്ത് സമാപിച്ചു. തുടർന്ന് സ്ഥാനാർത്ഥി രവീന്ദ്രനാഥ് സംസാരിച്ചു. സ്ഥാനാർത്ഥി പ്രഖ്യാപനത്തിന് ശേഷം വേങ്ങൂരിലെ കൊയ്ത്തുത്സവത്തിൽ പങ്കെടുത്ത് അഞ്ചോടെ എ.പി.കുര്യൻ സ്മാരക മന്ദിരത്തിലെത്തിയ സി.രവീന്ദ്രനാഥിന് ഉജ്ജ്വല വരവേൽപ്പ് നൽകി. സി.പി.എം മണ്ഡലം സെക്രട്ടറി കെ.കെ.ഷിബു ഹാരമണിയിച്ചു. പാർലമെന്റ് മണ്ഡലം സെക്രട്ടറി യു.പി.ജോസഫ്, ജനതാദൾ ദേശീയ സെക്രട്ടറി ജോസ് തെറ്റയിൽ, കെ.കെ.അഷറഫ്, എം.പി.പത്രോസ്, സി.കെ.സലിം കുമാർ, മാത്യൂസ് കോലഞ്ചേരി, ജെയ്‌സൻ പാനികുളങ്ങര തുടങ്ങിയവർ സ്ഥാനാർത്ഥിക്കൊപ്പമുണ്ടായിരുന്നു.