വീടുകളുടെ താക്കോൽദാനം 17ന്

തൃശൂർ: ലയൺസ് ക്ലബ്ബിന്റെ നേതൃത്വത്തിൽ തൃക്കൂർ മതിക്കുന്ന് ക്ഷേത്രത്തിനടുത്ത് പൂർത്തീകരിച്ച 12 വീടുകളുടെ താക്കോൽദാനം 17ന് നടക്കുമെന്ന് ഡിസ്ട്രിക് ഗവർണർ ടോണി ഏനോക്കാരൻ അറിയിച്ചു. രാവിലെ പത്തിന് മന്ത്രി കെ. രാജൻ ഉദ്ഘാടനം ചെയ്യും. താക്കോൽ ദാനം മുൻ ഇന്റർനാഷണൽ പ്രസിഡന്റ് വി.പി. നന്ദകുമാർ നിർവഹിക്കും. എം.എൽ.എമാരായ കെ.കെ. രാമചന്ദ്രൻ, കെ.കെ. സനീഷ് കുമാർ, തൃക്കൂർ പഞ്ചായത്ത് പ്രസിഡന്റ് സുന്ദരി മോഹൻദാസ്, സുഷമ നന്ദകുമാർ, ജയിംസ് വളപ്പില, ജയകൃഷ്ണൻ, അഡ്വ. കെ.കെ. അനീഷ് കുമാർ എന്നിവർ പങ്കെടുക്കും. 480 സ്ക്വയർ ഫീറ്റിൽ രണ്ട് മുറികളോട് ചേർന്ന എല്ലാ സൗകര്യങ്ങളും ഉള്ള വീടാണ് നിർമ്മിച്ചിരിക്കുന്നത്. ലയൺസ് ക്ലബ് ഫൊർ ദി ഹോംലസ് എന്ന ട്രസ്റ്റിന്റെ കീഴിൽ നിർദ്ധനരായ 200 പേർക്ക് വീട് നിർമ്മിച്ചു നൽകുകയെന്ന ലക്ഷ്യത്തിന്റെ ആദ്യഘട്ടമാണ് 12 വീടുകൾ നൽകുന്നത്. വാർത്താസമ്മേളനത്തിൽ സക്കറിയ, രാജേഷ് പുരയാട്ടിൽ, ബാബു ജോസ്, കെ.വി. ദേവദാസ് എന്നിവർ പങ്കെടുത്തു.