കൊച്ചി: ഇക്കുറി ആര് കപ്പടിക്കും? 2023ലെ ആഡംബര വിപണിയിൽ ഒരു കപ്പുണ്ടെങ്കിൽ അത് സ്വന്തമാക്കുക തന്നെ ചെയ്യുമെന്ന ആത്മവിശ്വാസത്തോടെ പ്രമുഖ ജർമ്മൻ വാഹനനിർമ്മാതാക്കളായ മെഴ്സിഡെസ്-ബെൻസ് വിപണിയിലെത്തിക്കാൻ ഉന്നമിടുന്നത് 10 പുത്തൻ മോഡലുകൾ.
2022ൽ 69 ശതമാനം വില്പന വളർച്ച കമ്പനിക്ക് സമാനിച്ച മേബാക്ക്, എ.എം.ജി., എസ്-ക്ളാസ്, ഇ.ക്യു.എസ് എന്നിവ ഉൾപ്പെടുന്ന ടോപ്-എൻഡ് ആഡംബരശ്രേണിയിലാണ് ഈവർഷം കൂടുതൽ പുത്തൻ മോഡലുകൾ അവതരിപ്പിക്കുകയെന്നാണ് സൂചന.
കൊവിഡിന് മുമ്പ് ടോപ്-എൻഡ് ശ്രേണിയിൽ നിന്നുള്ള മെഴ്സിഡെസ്-ബെൻസിന്റെ വില്പനവിഹിതം 12 ശതമാനമായിരുന്നു. ഇപ്പോൾ കമ്പനിയുടെ മൊത്തം വില്പനയിൽ ഈ ശ്രേണിയുടെ പങ്ക് 22 ശതമാനമായി ഉയർന്നു. 2022ൽ ബെൻസ് ഇന്ത്യയിൽ വിറ്റഴിച്ചത് 41 ശതമാനം വളർച്ചയോടെ 15,822 മോഡലുകളാണ്. 2021ൽ വില്പന 11,242 മോഡലുകളായിരുന്നു.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |