ജഡ്‌ജിമാരുടെ എണ്ണം 38ലേക്ക്

ന്യൂഡൽഹി: സുപ്രീംകോടതി ജഡ്‌ജിമാരുടെ എണ്ണം 34ൽ നിന്ന് 38 ആക്കി കേന്ദ്രസർക്കാർ ഓർഡിനൻസ്. 'സുപ്രീംകോ‌ർട്ട് (നമ്പർ ഒഫ് ജഡ്‌ജസ്)​ അമെൻഡ്മെന്റ് ഓർഡിനൻസ്' രാഷ്ട്രപതി ദ്രൗപദി മുർമു അംഗീകരിച്ചതോടെ ഗസറ്റിൽ വിജ്ഞാപനം ചെയ്‌തു. ചീഫ് ജസ്റ്റിസ് ഉൾപ്പെടെയാണ് 38 പേർ. ബിൽ പാർലമെന്റിന്റെ വർഷകാല സമ്മേളനത്തിൽ അവതരിപ്പിച്ചേക്കും. ഒടുവിൽ 2019ലാണ് 32ൽ നിന്ന് 34 ആയി ജഡ്‌ജിമാരുടെ അംഗബലം ഉയർത്തിയത്.