അജാനൂരിൽ ഹരിത പ്രഖ്യാപനം

കാഞ്ഞങ്ങാട്: അജാനൂർ പഞ്ചായത്ത് തല ഹരിതസ്ഥാപന പ്രഖ്യാപനം രാവണേശ്വരം ഗവ ഹയർ സെക്കൻഡറി സ്കൂളിൽ കാഞ്ഞങ്ങാട് ബ്ലോക്ക് പഞ്ചായത്ത് പ്രസിഡന്റ് കെ. മണികണ്ഠൻ നടത്തി. അജാനൂർ ഗ്രാമപഞ്ചായത്ത് പ്രസിഡന്റ് ടി.ശോഭ അദ്ധ്യക്ഷത വഹിച്ചു. അജാനൂർ ഗ്രാമപഞ്ചായത്ത് ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ കെ.കൃഷ്ണൻ , വികസനകാര്യ സ്റ്റാൻഡിംഗ് കമ്മിറ്റി ചെയർപേഴ്സൺ കെ.മീന, ആരോഗ്യ വിദ്യാഭ്യാസകാര്യ സ്റ്റാൻഡിംഗ് കമ്മിറ്റി ചെയർപേഴ്സൺ ഷീബ ഉമ്മർ, ബ്ലോക്ക് പഞ്ചായത്ത് മെമ്പർമാരായ എം.ജി.പുഷ്പ, എ.ദാമോദരൻ മെമ്പർമാരായപി.മിനി ,കെ.വി.ലക്ഷ്മി, രാവണേശ്വരം ഗവ.ഹയർ സെക്കൻഡറി സ്കൂൾ പ്രിൻസിപ്പാൾ കെ.ജയചന്ദ്രൻ, പി.ടി.എ പ്രസിഡന്റ് പി.രാധാകൃഷ്ണൻ എന്നിവർ സംസാരിച്ചു. പഞ്ചായത്ത് വൈസ് പ്രസിഡന്റ് കെ.സബീ ഷ് സ്വാഗതവും ഹെൽത്ത് ഇൻസ്പെക്ടർ അമിഷചന്ദ്രൻ നന്ദിയും പറഞ്ഞു