രാഷ്ട്രീയം ജീവിതമാക്കിയ വിപ്ളവ നക്ഷത്രം

ഗൗരി​അ​മ്മ​യുടെ അഞ്ചാം ചര​മ വാർഷി​ക​ ദി​നം ഇന്ന്

കെ.ആർ.ഗൗരി​അമ്മ നമ്മെ വിട്ടു​പി​രി​ഞ്ഞിട്ട് ഇന്നേക്ക് 5 വർഷ​മാ​കു​ന്നു. അവർ ഓർമ്മി​ക്ക​ പ്പെ​ടു​ന്നത് ഇടതു കമ്മ്യൂ​ണിസ്റ്റ് പ്രസ്ഥാ​ന​ങ്ങ​ളി​ലൂ​ടെ​യാ​ണ്. രാഷ്ട്രീയ പ്രവർത്തനം തുട​ങ്ങിയകാലം മുതൽ കമ്മ്യൂ​ണിസ്റ്റ് പ്രസ്ഥാ​ന​ത്തിന്റെ സഹ​യാ​ത്രി​ക​യാ​യി​രുന്ന ഗൗരി അമ്മ 75 ാം വയ​സിൽ സി.​പി.​എ​മ്മിൽ നിന്നും പുറ​ത്താ​ക്ക​പ്പെ​ട്ടു. കേര​ള​ത്തിലെമ്പാടും കോളി​ള​ക്ക​മു​ണ്ടാ​ക്കിയ ആ പുറ​ത്താ​ക്കൽ സംസ്ഥാ​ന​ത്തി​ന​കത്തും പുറത്തും ഏറെ ചർച്ച​യാ​യി.

ഗൗരി​അമ്മ പാർട്ടി​യിൽ നിന്ന് പുറ​ത്താ​ക്ക​പ്പെ​ടു​ന്ന​തി​ന്റെയും തുടർന്ന് ജെ.​എസ്.​ എസ് രൂപീ​ക​രി​ക്ക​പ്പെ​ടു​ന്ന​തി​ന്റെയും അത് യു.​ഡി.​എ​ഫിന്റെ ഭാഗ​മാ​കു​ന്ന​തി​ന്റെയും വിശ​ദാം​ശ​ങ്ങൾ ചർച്ച ചെയ്യാ​നു​ളള സന്ദർഭ​മ​ല്ലി​ത്. എങ്കിലും കമ്മ്യൂ​ണിസ്റ്റ് പ്രസ്ഥാ​ന​ ങ്ങൾക്ക് ഇക്ക​ഴിഞ്ഞ തിര​ഞ്ഞെ​ടു​പ്പി​ലു​ണ്ടായ സമ്പൂർണ ​പ​രാ​ജയം ഇതു​മായി ബന്ധ​ പ്പെ​ടുത്തി കാണാ​തി​രി​ക്കാ​നാ​കി​ല്ല. ഗൗരി​അ​മ്മയെ പാർട്ടി​യിൽ നിന്നും പുറ​ത്താ​ക്കി​യപ്പോൾ അവർ ഉയർത്തിയ ചോദ്യ​ങ്ങൾക്ക് ഇനിയും ലഭി​ക്കാത്ത ഉത്ത​ര​ങ്ങൾ ഈ സമ്പൂർണ പ​രാ​ജ​യ​ത്തിനു പിന്നി​ലു​ണ്ട്.

1957 മുതൽ പാർട്ടി അധി​കാ​ര​ത്തിൽ വന്നപ്പോഴെല്ലാം പ്രധാ​ന​ചുമ​ത​ല​കൾ നൽകി ഗൗരി​അമ്മയെ മന്ത്രി​യാ​ക്കി. പ്രഗൽഭ​യായ ഭര​ണാ​ധി​കാരിയായി ഗൗരിഅ​മ്മ അറി​യ​പ്പെ​ട്ടു​. 1987ൽ മുഖ്യ​മ​ന്ത്രി​യാ​ക്കു​മെന്ന് പ്രച​രി​പ്പിച്ച് വിജ​യിച്ച് പാർട്ടി അധി​കാ​ര​ത്തിൽ വന്നിട്ടും മുഖ്യ​മ​ന്ത്രി​യാ​ക്ക​തി​രു​ന്നിട്ടും ഗൗരി​അമ്മ പാർട്ടി ചുമ​ത​ല​പ്പെ​ടു​ത്തിയ മന്ത്രി​സ്ഥാനം ഏറ്റെ​ടുത്ത് വിജ​യ​ക​ര​മായി പൂർത്തി​യാ​ക്കി.

1991ലെ തിര​ഞ്ഞെ​ടു​പ്പിൽ ഭര​ണ​ത്തിൽ നിന്നും ഇട​തു​മു​ന്നണി പുറ​ത്തായി മൂന്നു വർഷ​ങ്ങൾക്കുശേഷം 1994ൽ ഗൗരി​അമ്മ പാർട്ടി​യിൽ നിന്നും പുറ​ത്താ​ക്ക​പ്പെ​ട്ടു. ഗൗരി​അ​മ്മ​യുടെ കാര്യ​ത്തിൽ തെക്കൻ കേര​ള​ത്തി​ലു​ണ്ടായ മുന്ന​റി​യിപ്പ് ഇപ്പോൾ വട​ക്കൻ കേര​ള​ത്തിലും പ്രതി​ഫ​ലി​ച്ചു. ഗൗരി​അമ്മ ഭൗതി​ക​മായി നമ്മെ വിട്ടു​പോ​യിട്ട് 5 വർഷ​മാ​കു​ന്നു. നിയ​മ​പ​ഠ​നത്തിനു ശേഷം ചേർത്തല കോട​തി​ക​ളിൽ ഗൗരി​അമ്മ എന്ന യുവ അഭി​ഭാ​ഷക എത്തു​ന്നത് പുന്നപ്ര- വയ​ലാർ സമ​ര​ത്തിന്റെ ഉജ്ജ്വ​ല​മായ ഓർമ്മ​ക​ളി​ലൂ​ടെ​യാണ്.

1952ൽ തുടങ്ങി ദീർഘ​മായ 16345 നിയ​മ​സഭാ ദിന​ങ്ങളും അതിൽ നല്ലൊരു കാലം പ്രധാന വകുപ്പു​കൾ കൈകാര്യം ചെയ്തി​രുന്ന മന്ത്രി​യു​മാ​യി​രുന്ന ഗൗരി​അ​മ്മ​യുടെ ജീവിതം വളരെ ലളി​ത​മാ​യി​രു​ന്നു. അഴി​മ​തി​യോട് എക്കാ​ലവും സന്ധി​യി​ല്ലാതെ പോരാ​ടി. ജീവി​ത​ത്തിലു​ ട​നീളം കമ്മ്യൂ​ണിസ്റ്റ് ആദർശ​ങ്ങൾ പിന്തു​ടർന്നു. ഒടു​വിൽ കൃഷ്ണ​ഭ​ക്ത​യായി. കാപ​ ട്യ​മി​ല്ലാതെ അക്കാര്യം തുറന്നു പറ​ഞ്ഞു. ദീർഘാ​യു​സിന്റെ രഹസ്യം ലളി​ത​ജീ​വി​തവും ലളിതഭക്ഷ​ണ​വു​മാ​യി​രു​ന്നു.

ഔദ്യോ​ഗി​കാ​വ​ശ്യ​ങ്ങൾക്കായി തങ്ങാ​റു​ളള സർക്കാർ മന്ദിര​ങ്ങ​ളിൽ ലളി​ത​മായ ഗൗരി​യ​മ്മ​യുടെ മെനു പ്രശ​സ്തമാണ്. പ്രഭാ​ത​ഭ​ക്ഷണം 2 ഇഡ്ഡലി. ഉച്ചയ്ക്ക് ഒരു പിടി ചോറും ചെറു​മ​ത്സ്യവും തൈരും. എന്നാൽ അതിഥി സത്കാ​രങ്ങ​ളിൽ അവർക്ക് ചില നിർബ​ന്ധ​ങ്ങ​ളു​ണ്ടാ​യി​രു​ന്നു. അവിടെ കരി​മീനും ചെമ്മീനും നിർബ​ന്ധം. അതിന്റെ കാശ് എം.​എൽ.എ പെൻഷ​നിൽ നിന്നും കണ്ടെ​ത്തും.

ജീവിതം തുറന്ന പുസ്തകം ഓരോ ചര​മ​ദി​ന​ത്തിലും ഗൗരി​അമ്മ ഓർമ്മി​ക്ക​പ്പെ​ടു​മ്പോൾ രാഷ്ട്രീ​യവും സാമൂഹി​ ക​വു​മായ ഒട്ടേറെ സന്ദർഭ​ങ്ങൾ ഓർമ്മ​യി​ലെ​ത്തും. അത്തരം സമാ​ന​ത​ക​ളി​ല്ലാത്ത രാഷ്ട്രീയ സഞ്ചാ​ര​മാ​യി​രുന്നു അവ​രുടെ ജീവി​ത​ച​രി​ത്രം. അതൊരു തുറന്ന പുസ്ത​കമാ​ യി​രു​ന്നു. സ്ത്രീക​ളുടെ അർഹ​മായ രാഷ്ട്രീയ പ്രവേ​ശനം ഇന്നും സഫ​ല​മാ​കാതെ വിവാ​ദ​ങ്ങ​ളിൽ കുടുങ്ങി നിൽക്കു​മ്പോൾ കേര​ള​ത്തിലെ ഒരു കുഗ്രാ​മ​ത്തിൽ നിന്നും 1950കളിൽ സജീവ രാഷ്ട്രീ​യ​ത്തി​ലേക്ക് വരി​കയും, രാഷ്ട്രീയം ജീവി​ത​മാ​ക്കു​കയും ചെയ്ത ഗൗരി​അമ്മ വരും​ത​ല​മു​റയ്ക്ക് ഒരു സാമൂ​ഹ്യ​പാ​ഠ​മാ​ണ്.

(ജെ.​എ​സ്.​എ​സ്​ സംസ്ഥാന വർക്കിംഗ് പ്രസി​ഡന്റാണ് ലേഖകൻ)