ലഹരി വിരുദ്ധ കലാജാഥ

ആലപ്പുഴ: ലഹരിക്കെതിരെ ബോധവത്കരണവുമായി യുവജന ക്ഷേമ ബോർഡ് നടത്തുന്ന കലാജാഥ ചെങ്ങന്നൂരിൽ മന്ത്രി സജി ചെറിയാൻ ഫ്ലാഗ് ഓഫ് ചെയ്തു. ബോർഡ് മെമ്പർ എസ്.ദീപു, ജില്ലാ കോർഡിനേറ്റർ ജെയിംസ് ശാമൂവേൽ, ജില്ല യൂത്ത് പ്രോഗ്രാം ഓഫീസർ ബി.ഷീജ, അവളിടം ജില്ല കോഡിനേറ്റർ രമ്യ രമണൻ, കലാജാഥ പരിശീലക ദേവിക എന്നിവർ സംസാരിച്ചു. ബിഷപ്പ്മൂർ കോളജിൽ കലാജാഥ എം.എസ്.അരുൺകുമാർ എം.എൽ.എയും, മാന്നാർ യു.ഐ.ടി.യിൽ നടന്ന കലാജാഥ ഫോക് ലോർ അക്കാദമി ചെയർമാൻ ഒ.എസ്. ഉണ്ണികൃഷ്ണനും ഉദ്ഘാടനം ചെയ്തു.