അമ്പലപ്പുഴ : കെ.എസ്.ആർ.ടി.സി പെൻഷൻകാരുടെ സമരം പതിനെട്ട് ദിവസം പിന്നിട്ടു. പെൻഷൻ പരിഷ്കരണം സംബന്ധിച്ച് ചർച്ചകൾ ആരംഭിക്കുക, പെൻഷൻ എല്ലാ മാസങ്ങളിലും ആദ്യ പ്രവൃത്തി ദിവസം വിതരണം ചെയ്യുക , പെൻഷൻ ബാദ്ധ്യത സർക്കാർ ഏറ്റെടുക്കുക , ക്ഷാമബത്ത കുടിശ്ശിക അനുവദിക്കുക തുടങ്ങിയ ആവശ്യങ്ങൾ ഉന്നയിച്ച് പെൻഷനേഴ്സ് ഓർഗനൈസേഷൻ ആലപ്പുഴ യൂണിറ്റ് നടത്തുന്ന സമരത്തിന്റെ ഭാഗമായി ഇന്നലത്തെ ധർണ എസ്.യു.സി.ഐ ജില്ലാ സെക്രട്ടേറിയറ്റ് അംഗം റ്റി.മുരളി ഉദ്ഘാടനം ചെയ്തു. യൂണിറ്റ് പ്രസിഡന്റ് ബേബി പാറക്കാടൻ അദ്ധ്യക്ഷത വഹിച്ചു. ജി.തങ്കമണി , വി.രാധാകൃഷ്ണൻ , റ്റി.സി.ശാന്തിലാൽ ,എം.പി.പ്രസന്നൻ ,എസ്.പ്രേംകുമാർ , അബ്ദുൽ ഹക്കീം ,എ.ബഷീർകുട്ടി ,വി.വി.ഓംപ്രകാശ് ,വി.പി.രാജപ്പൻ ,പി.കെ.നാണപ്പൻ ,എം.ജെ.സ്റ്റീഫൻ ,ബി.രാമചന്ദ്രൻ ,ബാലമുരളി എന്നിവർ സംസാരിച്ചു.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |