എസ്.ഡി.പി.വൈ കെട്ടിട നിർമ്മാണോദ്ഘാടനം

പള്ളുരുത്തി: ഹൈബി ഈഡൻ എം. പി ഫണ്ടിൽ നിന്നും 30 ലക്ഷം രൂപ മുടക്കി നിർമ്മിക്കുന്ന പള്ളുരുത്തി എസ്. ഡി.പി.വൈ ഹയർ സെക്കൻഡറി സ്കൂൾ കെട്ടിടത്തിൻ്റെ നിർമ്മാണദ്ഘാടനം എം .പി നിർവ്വഹിച്ചു. നിലവിലുള്ള കെട്ടിടത്തിൻ്റെ ഒന്നാം നിലയാണ് പുതിയ നിർമാണം ആരംഭിച്ചിട്ടുള്ളത്. ചടങ്ങിൽ സ്കൂൾ മാനേജർ എ.കെ. സന്തോഷ്‌ അദ്ധ്യക്ഷത വഹിച്ചു. പ്രസിഡന്റ്‌ കെ.വി. സരസൻ, കെ.ആർ. മോഹനൻ, വിദ്യാഭ്യാസ സ്റ്റാൻ്റിംഗ് കമ്മിറ്റി ചെയർമാൻ വി.എ.ശ്രീജിത്ത്, കൗൺസിലർമാരായ സി.ആർ.സുധീർ, അഭിലാഷ് തോപ്പിൽ, മുൻ കൗൺസിലർ തമ്പി സുബ്രഹ്മണ്യൻ, സി.പി.കിഷോർ, കെ.ആർ.വിദ്യാനാഥ്, ഷിജു ചിറ്റേപ്പള്ളി പി.കെ.ബാബു, അജിത്ത് എന്നിവർ ചടങ്ങിൽ പങ്കെടുത്തു.