'ഹൃദയത്തിൽ ഹൈബി' പ്രകാശനം

കൊച്ചി: എറണാകുളം മണ്ഡലത്തിൽ ഹൈബി ഈഡൻ നടത്തിയ വികസന പ്രവർത്തനങ്ങളും പാർലമെന്ററി പ്രവർത്തനങ്ങളും ഉൾപ്പെടുത്തിയുള്ള 'ഹൃദയത്തിൽ ഹൈബി' ബുക്ക് പ്രകാശനം ചെയ്തു. ടി.ജെ വിനോദ് എം.എൽ.എ, ഡി.സി.സി പ്രസിഡന്റ് മുഹമ്മ്ദ് ഷിയാസ് എന്നിവരുടെ സാന്നിധ്യത്തിൽ ചലച്ചിത്രതാരം മണികണ്ഠനാണ് ബുക്ക് പ്രകാശനം ചെയ്തത്. ഹൈബിയുടെ പ്രളയകാല പ്രവർത്തനങ്ങളും കൊവിഡ് പ്രതിരോധ പ്രവർത്തനങ്ങളും ഹൃദ്രോഗികൾക്ക് സൗജന്യ ആൻജിയോപ്ലാസ്റ്റി ചെയ്ത ഹൃദയത്തിൽ ഹൈബി ഈഡൻ പദ്ധതിയും സൗഖ്യം, കപ്പ് ഒഫ് ലൈഫ് തുടങ്ങിയ ഔട്ട് റീച്ച് പദ്ധതികളുടെ വിവരങ്ങളും ഇതിലുണ്ട്.

എം.പി ആയല്ല സാദാ മനുഷ്യനെയാണ് പ്രളയ കാലത്തും കൊവിഡ് കാലത്തുമെല്ലാം ഹൈബിയെ കാണാനായതെന്ന് മണികണ്ഠൻ പറഞ്ഞു.

നടപ്പാക്കിയ പദ്ധതികളുടെയും സവിശേഷതയും പ്രാധാന്യവും അറിയിക്കുന്നതാണ് പുസ്തകമെന്ന് ഹൈബി ഈഡൻ പറഞ്ഞു. പുസ്തകത്തിന്റെ പുറംചട്ട ബോധപൂർവം കറുപ്പാക്കിയിട്ടുണ്ട്.