പെൻഷൻ വർദ്ധിപ്പിക്കണം: ഡി.എ.ഡബ്ല്യു.എഫ്.

പയ്യന്നൂർ: ഭിന്നശേഷിക്കാർക്കുള്ള സാമൂഹ്യ സുരക്ഷാപെൻഷൻ 3,000 രൂപയായി വർദ്ധിപ്പിക്കണമെന്ന് ഡിഫറന്റ്‌ലി ഏബിൾഡ് പേഴ്‌സൺസ് വെൽഫെയർ ഫെഡറേഷൻ പെരിങ്ങോം ഏരിയാ കൺവെൻഷൻ ആവശ്യപ്പെട്ടു. കെ.എസ്.ആർ.ടി.സി. യാത്രാനിരക്കിളവിനുള്ള വരുമാന പരിധി ഉയർത്തുക, പത്ത് വർഷത്തിൽ കൂടുതലായി ജോലി ചെയ്യുന്ന കരാർ ജീവനക്കാരെ സ്ഥിരപ്പെടുത്തുക തുടങ്ങിയ ആവശ്യങ്ങളും ഉന്നയിച്ചു.

കൺവെൻഷൻ ടി.ഐ. മധുസൂദനനൻ എം.എൽ.എ. ഉദ്ഘാടനം ചെയ്തു. ലാലമ്മ ജോസ് അദ്ധ്യക്ഷത വഹിച്ചു. സെക്രട്ടറി ഇ.കെ. ഷിബു പ്രവർത്തന റിപ്പോർട്ടും ജില്ലാ സെക്രട്ടറി ടി. ജയകുമാർ സംഘടനാ റിപ്പോർട്ടും അവതരിപ്പിച്ചു. ഏരിയാ രക്ഷാധികാരി ബാലകൃഷ്ണൻ, സംഘാടക സമിതി കൺവീനർ പി. രാധാകൃഷ്ണൻ, വി.പി. പ്രസീത പ്രസംഗിച്ചു.

ഭാരവാഹികൾ: സുധീർ കുറ്റൂർ (പ്രസിഡന്റ് ), പി.എം യൂസഫ്, കെ.വി ദാമോദരൻ, രാജേഷ് കുമാർ കാങ്കോൽ (വൈസ് പ്രസിഡന്റുമാർ), ഇ.കെ. ഷിബു (സെക്രട്ടറി), ലാലമ്മ ജോസ്, കെ.വി. ശീതള, സുപ്രിയ (ജോയിന്റ് സെക്രട്ടറിമാർ), ലീലാമ്മ റോജി (ട്രഷറർ).