സി.ഒ.എ സമ്മേളനം;   ഷട്ടിൽ ടൂർണമെന്റ്

കാഞ്ഞങ്ങാട്: സി.ഒ.എ കാസർകോട് ജില്ലാ സമ്മേളനത്തിന്റെ ഭാഗമായി നടന്ന ഷട്ടിൽ ടൂർണമെന്റ് ജില്ലാ പഞ്ചായത്ത് വൈസ് പ്രസിഡന്റ് ഷാനവാസ് പാദൂർ ഉദ്ഘാടനം ചെയ്തു. സി.ഒ.എ. ജില്ലാ പ്രസിഡന്റ് ഷുക്കൂർ കോളിക്കര അദ്ധ്യക്ഷത വഹിച്ചു. സംഘാടക സമിതി ചെയർമാൻ എം. ലോഹിതാക്ഷൻ, സി.സി.എൻ ചെയർമാൻ കെ. പ്രദീപ്കുമാർ, പ്രോഗ്രാം കമ്മിറ്റി ചെയർമാൻ രാജീവൻ കരിങ്ങാട്ട്, കൺവീനർ മനോജ്കുമാർ സംസാരിച്ചു. സി.ഒ.എ. ജില്ലാ സെക്രട്ടറി ഹരീഷ് പി.നായർ സ്വാഗതവും മേഖല സെക്രട്ടറി സുനിൽകുമാർ നന്ദിയും പറഞ്ഞു. നീലേശ്വരം എൻ.എം.സി.എന്നിലെ മജീഷ്, ഷൈജു ടീം ചാമ്പ്യൻമാരായി. കാഞ്ഞങ്ങാട് ആഷിതിലെ വിനോദ്, പ്രവീൺ ടീമാണ് റണ്ണറപ്പ്. ട്രോഫിയും ക്യാഷ് അവാർഡും ഫെബ്രുവരി 13ന് നീലേശ്വരം ബേക്കൽ ക്ലബ്ബിൽ നടക്കുന്ന ജില്ലാ സമ്മേളനത്തിൽ വിതരണം ചെയ്യും.