കോളേജ് യൂണിയൻ ഉദ്ഘാടനം

കൊല്ലം: മൈലാപ്പൂര് ഫാത്തിമ മെമ്മോറിയൽ ട്രെയിനിംഗ് കോളേജ് യൂണിയൻ ഉദ്ഘാടനം സി.ആർ. മഹേഷ് എം.എൽ.എ നിർവഹിച്ചു. ആർട്ട്സ് ക്ലബ് ചലച്ചിത്ര പിന്നണി ഗായികയും അദ്ധ്യാപികയുമായ ലതിക ഉദ്ഘാടനം ചെയ്തു. എഫ്.എം.ഇ.ടി ചെയർമാൻ ഷാജഹാൻ യൂനുസ് അദ്ധ്യക്ഷനായി. നൗഷാദ് യൂനുസ് മുഖ്യപ്രഭാഷണം നടത്തി. കോളേജ് പ്രിൻസിപ്പൽ ഡോ. ലക്ഷ്മി നടരാജൻ സ്വാഗത പ്രസംഗം നടത്തി. ഷാർജ ബുക്ക് ഫെസ്റ്റിൽ, കോളേജിന്റെ സ്ഥാപക ചെയർമാന്റെ സ്മരണാർത്ഥം അദ്ദേഹത്തിന്റെ മകനും എഫ്.എം.ഇ.ടി സെക്രട്ടറിയുമായ നൗഷാദ് എഡിറ്ററായി തയ്യാറാക്കിയ ഡോ. യൂനുസ് കുഞ്ഞ്, മനുഷ്യ സ്നേഹത്തിന്റെ നിറകുടം എന്ന പുസ്തകത്തിന്റെ പ്രകാശനത്തിന് ലഭിച്ച പങ്കാളിത്ത സർട്ടിഫിക്കറ്റ് സി.ആർ മഹേഷ് എം.എൽ.എ നൗഷാദ് യൂനുസിന് നൽകി ആദരിച്ചു. കോളേജിന്റെ ന്യൂസ് ലെറ്റർ പ്രയാണം 2023 ന്റെ പ്രകാശനം ചെറുകഥാകൃത്തും പത്രപ്രവർത്തകനുമായ സജീദ് ഖാൻ പനവേലിൽ നിർവഹിച്ചു. യൂണിയൻ ചെയർമാൻ നിജ തോമസ് നന്ദി പറഞ്ഞു.