കുന്നത്തൂർ പഞ്ചായത്തിൽ വികസന സെമിനാർ

പോരുവഴി:കുന്നത്തൂർ ഗ്രാമപഞ്ചായത്ത് പതിനാലാം പഞ്ചവത്സര പദ്ധതിയിലെ 2024 - 25 വാർഷിക പദ്ധതിയിലെ വികസന സെമിനാർ നടത്തി. കോവൂർ കുഞ്ഞുമോൻ എം.എൽ.എ ഉദ്ഘാടനം ചെയ്തു. ഗ്രാമ പഞ്ചായത്ത് പ്രസിഡന്റ് കെ.വത്സലകുമാരി അദ്ധ്യക്ഷയായി. വികസനകാര്യ സ്റ്റാൻഡിംഗ് കമ്മിറ്റി ചെയർപേഴ്സൺ ഷീജ രാധാകൃഷ്ണൻ കരടു പദ്ധതി രേഖ അവതരിപ്പിച്ചു. വൈസ് പ്രസിഡന്റ് ബിനേഷ് കടമ്പനാട്, ബ്ലോക്ക് പഞ്ചായത്ത് അംഗങ്ങളായ ഗീതാകുമാരി, രാജി, സ്റ്റാൻഡിംഗ് കമ്മിറ്റി അദ്ധ്യക്ഷന്മാരായ ഡാനിയൽ തരകൻ, ശ്രീലേഖ, പ്രതി നിധികളായ ബിജു, രതീഷ്, രശ്മി രഞ്ജിത്ത്, അനീഷ്യ, രാജൻ നാട്ടുശ്ശേരി, അനില, അരുണാമണി, പ്രഭാ കുമാരി, റെജി കുര്യൻ, സൂര്യ, ആസൂത്രണ സമിതി ഉപാദ്ധ്യക്ഷനായ രാമാനുജൻ തമ്പി, പഞ്ചായത്ത് സെക്രട്ടറി ബി.വിനോദ് കുമാർ എന്നിവർ സംസാരിച്ചു.