നാടൻപാട്ട് പരിശീലനക്കളരി തുടങ്ങി

ചിറക്കടവ്: ഗ്രാമദീപം വായനശാലയിൽ കുട്ടികൾക്കും മുതിർന്നവർക്കുമായി സൗജന്യ നാടൻപാട്ട് പരിശീലനക്കളരി തുടങ്ങി. ബ്ലോക്ക് പഞ്ചായത്തംഗം ബി.രവീന്ദ്രൻ നായർ ഉദ്ഘാടനം ചെയ്തു. വായനശാല പ്രസിഡന്റ് ടി.പി.രവീന്ദ്രൻപിള്ള അദ്ധ്യക്ഷത വഹിച്ചു. ജില്ലയിലെ മികച്ച ലൈബ്രേറിയനുള്ള തൃശ്ശൂർ അക്ഷരായനം പുരസ്‌കാരം നേടിയ വിഴിക്കിത്തോട് ഞള്ളമറ്റം എലൈറ്റ് ലൈബ്രറിയിലെ ലൈബ്രേറിയൻ എം.യു.മാത്യുവിന് വായനശാലയുടെ ഉപഹാരം വാർഡംഗം കെ.ജി.രാജേഷ്‌സമ്മാനിച്ചു. പി.എൻ.സോജൻ, മിനി സേതുനാഥ്, സരിത ജോർജ് തുടങ്ങിയവർ പ്രസംഗിച്ചു.