ശുചിത്വ സന്ദേശ യാത്രക്ക് സ്വീകരണം

കോട്ടയം : ജില്ലാതല ശുചിത്വ സന്ദേശ യാത്രക്ക് ഈരാറ്റുപേട്ട നഗരസഭയുടെ നേതൃത്വത്തിൽ സ്വീകരണം നൽകി. അഹമ്മദ് കുരിക്കൾ നഗറിൽ സംഘടിപ്പിച്ച സ്വീകരണയോഗം നഗരസഭാദ്ധ്യക്ഷ സുഹ്ര അബ്ദുൽ ഖാദർ ഉദ്ഘാടനം ചെയ്തു. ഉപാദ്ധ്യക്ഷൻ അഡ്വ. മുഹമ്മദ് ഇല്യാസ് അദ്ധ്യക്ഷത വഹിച്ചു. ജാഥ ക്യാപ്റ്റൻ കില ജില്ലാ ഫെസിലിറ്റേറ്റർ ബിന്ദു അജി മുഖ്യപ്രഭാഷണം നടത്തി. സ്ഥിരം സമിതി അദ്ധ്യക്ഷരായ ഷെഫ്‌ന അമീൻ, പി.എം. അബ്ദുൽ ഖാദർ, ഫസൽ റഷീദ്, നഗരസഭാംഗങ്ങളായ നാസർ വെള്ളൂപറമ്പിൽ, അൻസൽന പരീക്കുട്ടി, ക്ലീൻ സിറ്റി മാനേജർ ടി. രാജൻ, ശുചിത്വ മിഷൻ ആർ. പി. അബ്ദുൽ മുത്തലിബ്, കില ബ്ലോക്ക് കോ-ഓർഡിനേറ്റർമാർ എന്നിവർ പങ്കെടുത്തു.