കഴുത്തിൽ കുരുക്കിടാൻ കാലനായി കേബിളുകൾ

കോഴിക്കോട്: ഫൂട്പാത്തിലൂടെ നടക്കുമ്പോൾ ഇനി സ്ലാബിലേക്ക് മാത്രം നോക്കിയാൽ പോര, മുകളിലേക്കും കണ്ണ് വേണം. നഗരത്തിലെ ഫൂട്ട്പാത്തുകൾക്ക് മുകളിൽ ആളെ കൊല്ലും കേബിളുകൾ പൊട്ടിതൂങ്ങുകയാണ്. എരഞ്ഞിപ്പാലം ബൈപ്പാസിൽ അരയിടത്ത് പാലത്തിന് താഴെ ബേബി മെമ്മോറിയൽ ആശുപത്രി പരിസരത്തെ ഫൂട്പാത്തിൽ തൂങ്ങിയാടുന്ന വയറുകൾ കുറച്ചൊന്നുമല്ല. തിരക്കിട്ട ഓട്ടത്തിനിടെ വയർ കഴുത്തിൽ കുരുങ്ങി വീണവർ നിരവധിയാണ്. നഗരത്തിലെ മിക്കവാറും ഫൂട്പാത്തുകളുടെയും അവസ്ഥ ഇതാണ്. മനോഹരമായി ടെൽവിരിച്ച് നവീകരിച്ചതാണ് ഫൂട്പാത്തുകളെങ്കിൽ പഴയ ടെലഫോൺ, ഇലക്ട്രിക് പോസ്റ്റുകളിൽ അശ്രദ്ധമായി കെട്ടിയിട്ട് പോകുന്ന കേബിളുകൾ അപകട കുരുക്കാവുകയാണ്.