ചോറോട് പഞ്ചായത്തിൽ വയോജനങ്ങൾക്ക് യോഗ പരിശീലനം

വടകര: ചോറോട് ഗ്രാമപഞ്ചായത്തിൽ അറുപത് കഴിഞ്ഞവർക്ക് സൗജന്യ യോഗ പരിശീലനം തുടങ്ങി. പദ്ധതിയുടെ പഞ്ചായത്തുതല ഉദ്ഘാടനം വൈക്കിലശ്ശേരി യു.പി സ്കൂളിൽ രേവതി പെരുവാണ്ടിയിൽ ഉദ്ഘാടനം ചെയ്തു. ആരോഗ്യ-വിദ്യാഭ്യാസ സ്ഥിരംസമിതി അദ്ധ്യക്ഷൻ സി.നാരായണൻ അദ്ധ്യക്ഷത വഹിച്ചു. ചോറോട് കുടുംബാരോഗ്യ കേന്ദ്രം മെഡിക്കൽ ഓഫീസർ ഡോ.ഡെയ്സി ഗോരെ പദ്ധതി വിശദീകരിച്ചു. സ്ഥിരം സമിതി അദ്ധ്യക്ഷൻമാരായ കെ.മധുസൂദനൻ, ശ്യാമള പൂവ്വേരി, അംഗങ്ങളായ പുഷ്പ മഠത്തിൽ, പ്രസാദ് വിലങ്ങിൽ, അബൂബക്കർ വി.പി., മനീഷ് കുമാർ ടി.പി, പ്രിയങ്ക സി.പി, സെക്രട്ടറി നിഷ എൻ തയ്യിൽ എന്നിവർ പ്രസംഗിച്ചു. ആയുർവേദ ആശുപത്രി ഡോക്ടർ മോഹൻദാസ് സ്വാഗതവും ജെ.എച്ച്.ഐ സുനിൽ കുമാർ എം.നന്ദിയും പറഞ്ഞു.