കൃഷി പദ്ധതി 

പൊന്നാനി: പെരുമ്പടപ്പ് ബ്ലോക്ക് പഞ്ചായത്ത് 2023-24 വർഷത്തെ ജനകീയ ആസൂത്രണ പദ്ധതിയിൽ ഉൾപ്പെടുത്തി വനിതകൾക്കായി നടപ്പിലാക്കുന്ന അരുണിമയുടെ ഭാഗമായി ചീര, പാലക് ചീര തുടങ്ങിയ ഇല ഭക്ഷണ പച്ചക്കറികളുടെ നടീൽ ഉദ്ഘാടനം പെരുമ്പടപ്പ് ബ്ലോക്ക് പഞ്ചായത്ത് പ്രസിഡന്റ് അഡ്വ. ഇ. സിന്ധു ഉദ്ഘാടനം നിർവഹിച്ചു. സ്ഥിരം സമിതി അധ്യക്ഷ താജുന്നിസ അദ്ധ്യക്ഷയായി. ബ്ലോക്ക് വൈസ് പ്രസിഡന്റ് സൗദാമിനി, പി.അജയൻ, വെളിയംകോട് ഗ്രാമപഞ്ചായത്ത് മെമ്പർമാരായ ഹുസൈൻ പാടത്തെകയിൽ, മുസ്തഫ, വേലായുധൻ, ഹസീന കൃഷി അസിസ്റ്റന്റ് ഡയറക്ടർ എം.വി.വിനയൻ, വെളിയംകോട് കൃഷിഭവൻ കൃഷി അസിസ്റ്റന്റ് കെ.കെ.ദീപ, കൃഷിക്കൂട്ടം പ്രതിനിധി സുബൈദ, കൃഷിക്ക് സ്ഥലം വിട്ടു നൽകിയ ഹനീഫ ഹാജി തുടങ്ങിയവർ സംസാരിച്ചു.