കോടിപ്പണം കൈമാറി

കോന്നി : വീട്ടമ്മയുടെ മരണാനന്തര ചടങ്ങുകൾക്കുള്ള കോടിപ്പണം സ്‌നേഹാലയത്തിലെ അന്തേവാസികൾക്കായി സംഭാവന നൽകി കുടുംബം മാതൃകയായി. അട്ടച്ചാക്കൽ കിഴക്കുപുറം ചരിവു പറമ്പിൽ സി.എസ്.ചന്ദ്രൻ നായരുടെ ഭാര്യ സുമംഗലാമ്മയുടെ മരണാനന്തര ചടങ്ങിലെ കോടിപ്പണമാണ് കോന്നി ഇ എം എസ് ചാരിറ്റബിൾ സൊസൈറ്റിയുടെ സ്നേഹാലയത്തിലെ അന്തേവാസികളുടെ ക്ഷേമത്തിനായി കൈമാറിയത്. സംസ്കാര ചടങ്ങിൽ പങ്കെടുത്ത സൊസൈറ്റി പ്രസിഡന്റ് ശ്യാംലാലിന് കെ.എസ്.കെ.ടി.യു ഏരിയാ കമ്മിറ്റിയംഗം സി.എസ്.ചന്ദ്രൻപിള്ള കോടിപ്പണം കൈമാറുകയാകയിരുന്നു. സൊസൈറ്റി സെക്രട്ടറി വി.ശ്രീകുമാർ, ഭാരവാഹികളായ ടി.രാജേഷ് കുമാർ, സോമനാഥൻ എന്നിവരും ഒപ്പമുണ്ടായിരുന്നു.