ആദ്യ ട്രിപ്പ് മൂന്നിന്, തിരുവല്ല - ഇടുക്കി ഉല്ലാസയാത്ര

തിരുവല്ല: കെ.എസ്.ആർ.ടി.സി തിരുവല്ല ഡിപ്പോയിൽ നിന്ന് ഇടുക്കിയിലേക്കുള ആദ്യ ഉല്ലാസയാത്ര ജൂലായ് മൂന്നിന് പുറപ്പെടും. പ്രകൃതിരമണീയമായ പ്രദേശങ്ങളും വനമേഖലകളും അണക്കെട്ടുകളും വെള്ളച്ചാട്ടങ്ങളും ആസ്വദിച്ച് ഇടുക്കിയിലൂടെയുള്ള യാത്ര സഞ്ചാരപ്രിയർക്ക് അവിസ്മരണീയമാക്കാം. തിരുവല്ലയിൽ നിന്ന് രാവിലെ 5.30ന് പുറപ്പെട്ട് രാത്രി 9ന് തിരിച്ച് വരുന്ന രീതിയിലാണ് ഉല്ലാസയാത്ര ക്രമീകരിച്ചിരിക്കുന്നത്. തൊടുപുഴ, തൊമ്മൻകുത്ത്, ആനച്ചാടികുത്ത്, ചെറുതോണി, ഇടുക്കി ആർച്ച് ഡാം എന്നീ സ്ഥലങ്ങൾ സന്ദർശിച്ച് മടങ്ങിയെത്താം. ഒരാൾക്ക് 675 രൂപയാണ് ടിക്കറ്റ് നിരക്ക്. നാടൻ ഭക്ഷണം കഴിക്കുന്നതിനുള്ള സൗകര്യം ഏർപ്പെടുത്തിയിട്ടുണ്ട്. വിവരങ്ങൾക്ക് ഫോൺ: 0469 2602945, 9744348037.