യുവാവിനെ കൊലപ്പെടുത്താൻ ശ്ര​മം ഒരാൾ അ​റസ്റ്റിൽ

കാഞ്ഞിരപ്പ​ള്ളി:യുവാവിനെ ആക്രമിച്ചു കൊലപ്പെടുത്താൻ ശ്ര​മി​ച്ചയാൾ അ​റ​സ്റ്റിൽ. എരുമേലി ചേനപ്പാ​ടി പൈക്കാട്ട് സച്ചു (25) നെയാണ് കാഞ്ഞിര​പ്പ​ള്ളി പൊലീസ് അറസ്റ്റ് ചെയ്ത​ത്. കാഞ്ഞിരപ്പള്ളി സ്വദേശിയായ യുവാവിനെ വിഴിത്തോട് ഭാഗത്ത് വച്ച് ആക്രമിച്ചു കൊലപ്പെടുത്താൻ ശ്രമിക്കുകയായിരു​ന്നു. യുവാവും സുഹൃത്തുക്കളും ചേർന്ന് മകരവിളക്കിനോടനുബന്ധിച്ച് വിഴിത്തോട് ഭാഗത്തെ ഹോട്ടലിന്​ മുൻവശം അലങ്കാര പണികൾ ചെയ്തുകൊണ്ടിരിക്കുന്ന സമയം സ്‌കൂട്ടറിൽ എത്തിയ ആക്രമികൾ യുവാവിന്റെ സുഹൃത്തിനെ മർദ്ദിക്കുകയായിരുന്നു. ഇത് തടഞ്ഞ യുവാ​വിനെ സംഘം ചേർന്ന് കയ്യിൽ കരുതിയിരുന്ന സ്റ്റീലിന്റെ കമ്പി കൊണ്ട് ക്രൂരമായി മർദ്ദിച്ച് കൊലപ്പെടുത്താൻ ശ്രമിക്കുകയായിരു​ന്നു. പരാതിയെ തുടർന്ന് കാഞ്ഞിര​പ്പ​ള്ളി പൊലീസ് കേ​സെ​ടു​ത്ത് ഒളിവിൽ കഴിഞ്ഞിരുന്ന ഇയാളെ പിടി​കൂ​ടി. എരുമേലി സ്റ്റേഷനിലെ ആന്റി സോഷ്യൽ ലിസ്റ്റിൽ ഉൾപ്പെട്ടയാളാ​ണ്. എസ്.എച്ച്.ഒ ഫൈസൽ, എസ്.ഐ ജിൻസൺ ഡൊമിനിക്ക്, എ.എസ്.ഐ അനീഷ്, സി.പി.ഒമാരായ ശ്രീരാജ്, പീറ്റർ, അഭിലാഷ്, വിമൽ എന്നിവരും അന്വേഷണ സംഘത്തിൽ ഉണ്ടായിരുന്നു. ഇയാളെ കോടതിയിൽ ഹാജരാക്കി.