തിരുവനന്തപുരം: ആദർശവും സത്യസന്ധതയും മുറുകെപ്പിടിച്ച നേതാവായിരുന്നു ആർ .ശങ്കരനാരായണൻ തമ്പിയെന്ന് സി.പി.ഐ സംസ്ഥാന സെക്രട്ടറി കാനം രാജേന്ദ്രൻ പറഞ്ഞു. കേരള നിയമസഭയുടെ ആദ്യത്തെ സ്പീക്കറും കമ്മ്യൂണിസ്റ്റ് നേതാവുമായ ആർ. ശങ്കരനാരായണൻ തമ്പിയുടെ 33-ാം ചരമവാർഷികത്തിൽ പ്രസ് ക്ലബിൽ നടന്ന ചടങ്ങിൽ സംസാരിക്കുകയായിരുന്നു അദ്ദേഹം. ചടങ്ങിൽ ' ഇന്ത്യൻ ജനാധിപത്യം നേരിടുന്ന ഭീഷണികൾ ' എന്ന വിഷയത്തിൽ എയ്ഡെം മാനേജിംഗ് ഡയറക്ടർ വെങ്കിടേഷ് രാമകൃഷ്ണൻ പ്രഭാഷണം നടത്തി. ആർ. പാർവതി ദേവി, മാദ്ധ്യമപ്രവർത്തക സരിത മോഹനൻ ഭാമ, ഒലീന എസ്. തമ്പി എന്നിവർ പങ്കെടുത്തു.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |