കൊച്ചി: പ്രപഞ്ചത്തിന്റെ സത്യം ഈശ്വരൻ മാത്രമാണെന്ന് ശ്രീരാമകൃഷ്ണ മിഷൻ സീനിയർ സ്വാമി സ്വപ്രഭാനന്ദജി മഹാരാജ് പറഞ്ഞു. സത്യം എന്താണെന്ന് അറിയുന്നതാണ് ജീവിതത്തിന്റെ ആനന്ദം. കൂട്ടായ്മയിലൂടെ സ്നേഹസന്ദേശം പകർന്നു നൽകുകയാണ് ഭക്തരുടെ കർമ്മമെന്ന് അദ്ദേഹം ഓർമ്മിപ്പിച്ചു. സ്വാമിമാരായ വീരഭദ്രാനന്ദജി , വിതസംഗാനന്ദജി , വിമോക്ഷാനന്ദജി , വിനിർമുക്താനന്ദജി, വിനിശ്ചലാനന്ദജി , തത്പുരാഷാനന്ദജി , സുന്ദരാനന്ദജി , നരസിംഹാനന്ദജി , സ്വാമി നന്ദാത്മജാനന്ദജി , സ്വാമി വീരഭദ്രാനന്ദജി , സ്വാമി നരവരാനന്ദജി എന്നിവർ വിവിധ വിഷയങ്ങളിൽ സംസാരിച്ചു. വൈകിട്ട് രാമകൃഷ്ണ ആരതിയും ഭജനയും നടന്നു. രാമകൃഷ്ണ ബാലസംഘം അവതരിപ്പിച്ച സാംസ്കാരിക സന്ധ്യയും അരങ്ങേറി. ധ്വജാവരോഹണത്തോടെ ഇന്നു വൈകിട്ട് നാലിന് ശ്രീരാമകൃഷ്ണഭക്തസമ്മേളനത്തിന് സമാപനമാകും.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |