പരിസ്ഥിതി പ്രവർത്തകരുടെ സെക്രട്ടേറിയറ്റ് ധർണ 31ന്

കൊച്ചി: കോർപ്പറേറ്റുകൾക്കും ഖനന മാഫിയകൾക്കും പ്രകൃതിയെ കൊള്ളയടിക്കാൻ അനുമതി നൽകുന്ന സർക്കാർ നയത്തിനെതിരെ 31ന് സെക്രട്ടേറിയേറ്റിനു മുമ്പിൽ ധർണ നടത്തുമെന്ന് ഗ്രീൻ കേരള മൂവ്‌മെന്റ് അറിയിച്ചു. ക്വാറി മാഫിയിൽ നിന്ന് കേരളത്തെ മോചിപ്പിക്കുക, വിഴിഞ്ഞം തുറമുഖ പദ്ധതിയും കെ-റെയിൽ പദ്ധതിയും ഉപേക്ഷിക്കുക തുടങ്ങിയ ആവശ്യങ്ങൾ ഉന്നയിക്കുന്ന ധർണ പ്രതിപക്ഷ നേതാവ് വി.ഡി. സതീശൻ ഉദ്ഘാടനം ചെയ്യും.നാഷണൽ ഗ്രീൻ ട്രൈബ്യൂണൽ നിയോഗിച്ച ഉപസമിതി 24 ന് എറണാകുളത്തും 25ന് തിരുവനന്തപുരത്തും നടത്തുന്ന തെളിവെടുപ്പിൽ ആയിരത്തിലധികം പരാതികൾ സമർപ്പിക്കാനും ഗ്രീൻ കേരള മൂവ്മെന്റ് യോഗം തീരുമാനിച്ചു. സംസ്ഥാന ചെയർമാൻ ജോൺ പെരുവന്താനം അദ്ധ്യക്ഷത വഹിച്ചു.