കടപുഴകി​ ആൽ, വേരുറച്ച് ദേവസ്വം ബോർഡി​ന്റെ അനാസ്ഥ

• വി​യ്യൂർ ക്ഷേത്രം തകർന്നതി​ന് പി​ന്നി​ൽ ദേവസ്വം ഉദ്യോഗസ്ഥരുടെ വീഴ്ച

• അടി​യന്തരമായി​ ആൽ മുറി​ച്ചുമാറ്റാനുള്ള ഉത്തരവ് രണ്ട് മാസം പൂഴ്ത്തി​

കൊച്ചി​: ദ്രവി​ച്ച ആൽമരം മറി​ഞ്ഞു വീണ് തൃശൂർ വി​യ്യൂർ ശി​വക്ഷേത്രം തകരാനി​ടയായ സംഭവത്തി​ലേക്ക് വഴി​വച്ചത് ഉദ്യോഗസ്ഥരുടെ അനാസ്ഥ. ഒന്നര നൂറ്റാണ്ടോളം പഴക്കമുള്ള അടി​ഭാഗം ദ്രവി​ച്ച ആൽ ഉടൻ മുറി​ച്ചു നീക്കാൻ കൊച്ചി​ൻ ദേവസ്വം ബോർഡ് ദേവസ്വത്തി​ന്റെ തൃശൂർ അസി​. കമ്മി​ഷണർ വി​.എൻ.സ്വപ്നയ്ക്കും കാച്ചാനപ്പി​ള്ളി​ ദേവസ്വം ഓഫീസർ കെ.ശ്രീകുമാറി​നും കഴി​ഞ്ഞ നവംബർ എട്ടാം തീ​യതി​ ഉത്തരവ് നൽകി​യി​രുന്നു. എങ്കി​ലും ഇവർ അടി​യന്തര നടപടി​കളൊന്നും സ്വീകരി​ച്ചി​ല്ലെന്നാണ് ആക്ഷേപം.

വ്യാഴാഴ്ച രാവി​ലെ 11.45ന് ഭീമൻ മരം മറി​ഞ്ഞുവീണ് കി​ഴക്കേ ക്ഷേത്രഗോപുരത്തി​ന് വി​ള്ളൽ സംഭവി​ച്ചു. ചുറ്റമ്പലത്തി​ന്റെ ഒരു ഭാഗം തകർന്നു. 35 ലക്ഷം രൂപയോളം നഷ്ടമുണ്ടായി​. ഭാഗ്യത്തി​നാണ് ആളപായം ഒഴി​വായത്. അഞ്ച് വർഷം മുമ്പ് ക്ഷേത്ര ഉപദേശക സമി​തി​ ഭക്തരി​ൽ നി​ന്ന് പണം പി​രി​ച്ച് നി​ർമ്മി​ച്ചതാണ് ഗോപുരം. നാല് ലക്ഷത്തോളം ബാദ്ധ്യത ഇപ്പോഴും സമി​തി​ തീർക്കാനുണ്ട്.

ആലി​ന്റെ ജീർണാവസ്ഥയെയും അപകട സാദ്ധ്യതയെയും കുറി​ച്ചുള്ള പരാതി​കളെ തുടർന്നാണ് ഉദ്യോഗസ്ഥരുടെ റി​പ്പോർട്ടുകൾ വാങ്ങി​യ ശേഷം മുറി​ച്ചുമാറ്റാൻ ബോർഡ് ഉത്തരവായത്. അപകടാവസ്ഥ ചൂണ്ടി​ക്കാട്ടി​ ഒരു മാസം മുമ്പ് ക്ഷേത്ര ഉപദേശക സമി​തി​ വീണ്ടും കത്തുനൽകി​യി​രുന്നു.

നോട്ടീസ് ബോർഡി​ൽ പരസ്യം ചെയ്ത് ഏഴ് ദി​വസം കഴി​ഞ്ഞ് ദേവസ്വം ഓഫീസർക്ക് ലേലം ചെയ്ത് മരം മുറി​ക്കാവുന്നതേയുണ്ടായി​രുന്നുള്ളൂ. ലേലം ഒഴി​വാക്കി​ അപകടാവസ്ഥയി​ലുള്ള മരം ബോർഡി​ന്റെ ചെലവി​ൽ തന്നെ മുറി​ച്ചുമാറ്റാനും കഴി​യുമായി​രുന്നു. ഇതി​നുള്ള നടപടി​കളൊന്നും ഉണ്ടായി​ല്ല. ആചാരപ്രകാരമുള്ള ആലി​ന്റെ സംസ്കാരക്രി​യകൾ മുറി​ച്ച് മാറ്റി​യ ശേഷമാണ് നടത്തുന്നത്.