തൊടുപുഴ: ബൈക്കിൽ കഞ്ചാവുമായി എത്തിയ മൂന്ന് യുവാക്കൾ എക്സൈസിന്റെ പിടിയിലായി. മയക്കുമരുന്നുകൾക്കെതിരെയുള്ള സ്പെഷ്യൽ ഡ്രൈവിന്റെ ഭാഗമായി തൊടുപുഴ എക്സൈസ് ഇൻസ്പെക്ടർ ദിലീപിന്റെ നേതൃത്വത്തിൽ കാരിക്കോട് ഭാഗത്ത് നടത്തിയ രാത്രികാല വാഹന പരിശോധനയിലാന് ഡ്യൂക്ക് ബൈക്കിൽ കടത്തിയ 45 ഗ്രാം കഞ്ചാവുമായി മൂന്ന് യുവാക്കളെ അറസ്റ്റ് ചെയ്തത് . തൊടുപുഴ കുമ്പംകല്ല് കണ്ടത്തിൻ കരയിൽ വീട്ടിൽ മാഹിൻ സുധീർ (19 ) ഇടവെട്ടി മരുതുങ്കൽ വീട്ടിൽ മാഹിൻ നൗഷാദ് (22 ) കുമ്പംകല്ല് മണൽപ്പറമ്പിൽ മുഹമ്മദ് ഹസീബ് (21 ) എന്നിവരാണ് അറസ്റ്റിലായത്. ഇടവെട്ടി, ജാരം ഭാഗം കേന്ദ്രീകരിചായിരുന്നു ഇവരുടെ കഞ്ചാവ് ഇടപാടുകൾ എന്ന് എക്സൈസ് അധികൃതർ പറഞ്ഞു . സംഭവത്തെക്കുറിച്ച് വിശദ അന്വേഷണവും ആരംഭിച്ചിട്ടുണ്ട്. റെയ്ഡിൽ പ്രിവന്റ്രീവ് ഓഫീസർമാരായ സാവിച്ചൻ മാത്യു , ജയരാജ്, രാജേഷ് വി.ആർ, അനൂപ് പി.എസ്, ബാലുബാബു, അനീഷ്ജോൺ എന്നിവർ പങ്കെടുത്തു
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |