SignIn
Kerala Kaumudi Online
Thursday, 19 September 2024 2.36 AM IST

അദ്ധ്യാപകരുടെ സ്ഥലംമാറ്റം: സൈറ്റ് തുറന്നത് നാലു ദിവസം മാത്രം ; അപേക്ഷിക്കാനായത് ചുരുക്കം പേർക്ക്

Increase Font Size Decrease Font Size Print Page
teacher

തൃക്കരിപ്പൂർ: സംസ്ഥാനത്തെ 2021-22 വർഷത്തെ പ്രൈമറി/ ഹൈസ്കൂൾ അദ്ധ്യാപകരുടെ ഓൺലൈൻ വഴിയുള്ള സ്ഥലം മാറ്റത്തിന് ഭൂരിപക്ഷം അദ്ധ്യാപകർക്കും അപേക്ഷിക്കാൻ കഴിഞ്ഞില്ലെന്ന് ആക്ഷേപം. അപേക്ഷ സമർപ്പിക്കേണ്ട വെബ് സൈറ്റ് ചുരുക്കം ദിവസങ്ങൾ മാത്രമേ തുറന്നുകിട്ടിയിരുന്നുള്ളുവെന്നാണ് ഇതിന്റെ കാരണമായി അദ്ധ്യാപകർ ചൂണ്ടിക്കാട്ടുന്നത്.

ഒക്ടോബർ 29 മുതൽ നവംബർ 1 വരെയായി വെറും 4 ദിവസം മാത്രമാണ് ഇതുമായി ബന്ധപ്പെട്ട വെബ് സൈറ്റ് ഓപ്പണായിരുന്നത്. കൊവിഡ് മൂലം അടച്ചിട്ടിരുന്ന സ്കൂളുകൾ നവംബർ 1 മുതലാണ് സജീവമായത്. ഇതിന് മുന്നോടിയായി സ്കൂളും പരിസരവും ശുചീകരിക്കുന്നതിന്റെ തിരക്കിലായിരുന്നു അദ്ധ്യാപകർ അപേക്ഷ നൽകേണ്ട സമയത്ത് . ഇതിന് പുറമെ വിദ്യാഭ്യാസ - ആരോഗ്യ- തദ്ദേശസ്വയംഭരണ വകുപ്പുകളുമായി ബന്ധപ്പെട്ട നിരവധി യോഗങ്ങളും പ്രവേശനോത്സവ സംബന്ധമായ തിരക്കും മൂലം തങ്ങൾക്ക് സൈറ്റ് ഓപ്പണാകുന്നത് നോക്കിനിൽക്കാൻ കഴിഞ്ഞില്ലെന്ന് ഈ അദ്ധ്യാപകർ പറയുന്നു. . ഇത്തരം പ്രശ്നങ്ങൾ വകുപ്പിലെ ഉന്നതോദ്യോഗസ്ഥർക്ക് അറിയുമെന്നതിനാൽ ഓൺ ലൈൻ അപേക്ഷയുടെ സമയം ദീർഘിപ്പിക്കുമെന്ന വിശ്വാസത്തിലായിരുന്നു അദ്ധ്യാപകർ.

മിക്കവാറും വകുപ്പുകളിലും സ്ഥലം മാറ്റത്തിനായി ഓൺലൈൻ രീതികളാണ് സ്വീകരിക്കുന്നത്. എന്നാൽ ആ വകുപ്പുകളുടെ സൈറ്റുകൾ 10 മുതൽ 20 ദിവസം വരെ ഇതിനായി ഓപ്പണാകാറുണ്ട് . എന്നാൽ സ്കൂൾ പ്രവേശനവുമായി ബന്ധപ്പെട്ട് തിരക്കേറിയ സമയത്ത് കേവലം നാലുദിവസം മാത്രം അനുവദിച്ചതിൽ കടുത്ത പ്രതിഷേധം ഇവർക്കുണ്ട് . ഇക്കാര്യത്തിൽ അദ്ധ്യാപക സംഘടനകൾ പ്രതികരിക്കാത്തതിലും ഇവർക്ക് അതൃപ്തിയുണ്ട്.

അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ
TAGS: LOCAL NEWS, KANNUR
KERALA KAUMUDI EPAPER
Kaumudi Salt & Pepper
TRENDING IN LOCAL
PHOTO GALLERY
TRENDING IN LOCAL
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.