കണ്ണൂർ: ജില്ലയിൽ റോഡ് സുരക്ഷാ സമിതിയുടെ പ്രവർത്തനം കാര്യക്ഷമമാക്കണമെന്ന് റോഡ് ആക്‌സിഡന്റ് ആക്ഷൻ ഫോറം റാഫ് കണ്ണൂർ ജില്ലാ കമ്മിറ്റി ആവശ്യപ്പെട്ടു.റോഡ് സുരക്ഷയുമായി ബന്ധപ്പെട്ട തീരുമാനങ്ങളും നിർദ്ദേശങ്ങളും നടപ്പിലാക്കുന്നതിൽ അധികൃതർ അലംഭാവം നടിക്കുകയാണെന്നും യോഗം കുറ്റപ്പെടുത്തി. ബോധവത്കരണത്തിലൂടെ റോഡ് സംസ്‌കാരം വളർത്തിക്കൊണ്ടു വന്നാൽ ഒരു പരിധി വരെ റോഡപകടങ്ങൾ നിയന്ത്രിക്കാൻ കഴിയും. ജില്ലാ റോഡ് സുരക്ഷാ സമിതിയിൽ വാഹന ഉപയോക്താക്കളുടെ പ്രതിനിധികളെയും ബന്ധപ്പെട്ട സംഘടനാ പ്രതിനിധികളെയും ഉൾപ്പെടുത്തണമെന്നും യോഗം ആവശ്യപ്പെട്ടു. ജില്ലാ പ്രസിഡന്റ് എൻ. കൃഷ്ണൻകുട്ടി, സി.പി സലിം വേങ്ങാട്, കെ. വത്സ തിലകൻ, അബൂബക്കർ ഹാജി, അനിൽ കരിയാട്, ഇ.കെ പവിത്രൻ കടവത്തൂർ. സുബൈദ, വത്സൻ ചാലോട്, എം. കാർത്തികേയൻ, ഇ. സുരേഷ് ബാബു എന്നിവർ പ്രസംഗിച്ചു.