വയലാർ കവിതാ പുരസ്‌കാരം നിള പത്മനാഭന് സമ്മാനിച്ചു

കാഞ്ഞങ്ങാട്: ആശയ സമ്പന്നവും മധുര ലളിതവുമായ കവിതകളാലും ഗാനങ്ങളാലും മലയാളിയുടെ ജിവിതത്തിൽ ശാന്തി പകരുകയും വരുംതലമുറകളെ സർഗാത്മകമാക്കുകയും ചെയ്ത അനശ്വര
പ്രതിഭയാണ് വയലാർ രാമവർമയെന്ന് സംഗീതരത്നം ഡോ.കാഞ്ഞങ്ങാട് രാമചന്ദ്രൻ പറഞ്ഞു. ക്രിയേറ്റീവ് കാഞ്ഞങ്ങാട് സംഘടിപ്പിച്ച വയലാർ അനുസ്മരണ സമ്മേളനവും വയലാർ പുരസ്‌കാര സമർപ്പണവും പി.സ്മാരകത്തിൽ ഉദ്ഘാടനം ചെയ്യുകയായിരുന്നു അദ്ദേഹം. നിള പത്മനാഭന് ഡോ. കാഞ്ഞങ്ങാട് രാമചന്ദ്രൻ പുരസ്‌കാരം സമർപ്പിച്ചു. ഡോ. പി.പ്രജിത അനുസ്മരണ പ്രഭാഷണം നടത്തി. ഡോ.എ.എം. ശ്രീധരൻ പുരസ്‌കാര ജേതാവിനെ പരിചയപ്പെടുത്തി. പ്രസിഡന്റ് ജബ്ബാർ അദ്ധ്യക്ഷക വഹിച്ചു. പ്രസ് ഫോറം പ്രസിഡന്റ് പി.പ്രവീൺ കുമാർ, അരവിന്ദൻ മാണിക്കോത്ത്, എ.ഹമീദ് ഹാജി, ബഷീർ ആറങ്ങാടി, ഇ.വി. സുധാകരൻ, അബ്ദുൾ സത്താർ തുടങ്ങിയവർ സംസാരിച്ചു.