പ്രകൃതിക്ഷോഭം: സഹായം നൽകി

വൈക്കം: വരിക്കാംകുന്നിൽ പ്രകൃതിക്ഷോഭത്തിൽ വീട് പൂർണ്ണമായും തകർന്ന കുടുംബത്തിന് എൻ.എസ്.എസ് താലൂക്ക് യൂണിയന്റെ നേതൃത്വത്തിൽ അടിയന്തര സാമ്പത്തിക സഹായം നൽകി. വാഴത്തറ ദിലീപിന്റെ വീടാണ് കനത്ത മഴയിലും കാ​റ്റിലും നിലംപൊത്തിയത്. കുടുംബത്തെ താത്കാലികമായി വാടക വീട്ടിലേക്ക് മാ​റ്റി താമസിപ്പിച്ചു. എൻ.എസ്.എസ് യൂണിയൻ പ്രസിഡന്റ് പി. ജി. എം. നായർ കാരിക്കോടിന്റെ നേതൃത്വത്തിൽ യൂണിയൻ ഭാരവാഹികൾ തുക കൈമാറി. പി. എൻ. രാധാകൃഷ്ണൻ, പി. എസ്.വേണുഗോപാൽ, എസ്.മുരുകേശ്, എൻ.സുകുമാരൻ നായർ, ചന്ദ്രശേഖരൻ നായർ, രാധാകൃഷ്ണൻ നായർ തുടങ്ങിയവർ പങ്കെടുത്തു.