ഹിതപരിശോധന നിയമവിരുദ്ധം

കോട്ടയം: സഭാ തർക്കത്തിൽ ഹിതപരിശോധന നടത്താനുളള നീക്കം നിയമവിരുദ്ധമാണെന്ന് മലങ്കര ഓർത്തഡോക്‌സ് സഭ സുന്നഹദോസ് സെക്രട്ടറി ഡോ. യൂഹാനോൻ മാർ ദിയസ്‌ക്കോറോസ് മെത്രാപ്പോലീത്ത. കമ്മിഷന്റെ അദ്ധ്യക്ഷൻ ജസ്റ്റിസ് കെ.ടി തോമസ് സമർപ്പിച്ച കരട് ബില്ല് ഭരണഘടനാ വിരുദ്ധമാണ്. സുപ്രീംകോടതി വിധി നിയമമായിരിക്കെ കടകവിരുദ്ധമായി നിയമനിർമ്മാണം നടത്തുന്നത് അധാർമ്മികമാണ്. പല വ്യവസ്ഥകളും യാക്കോബായ വിഭാഗം 2019ലെ ക്‌ളാരിഫിക്കേഷൻ പെറ്റീഷനിൽ ആവശ്യപ്പെട്ടിട്ടുളളതും സുപ്രീംകോടതി തള്ളിക്കളഞ്ഞതുമാണ്. പാത്രിയർക്കീസ് വിഭാഗത്തിന്റെ വക്കീലായി കേസുകൾ നടത്തുകയും പരസ്യ പ്രസ്താവനകൾ നടത്തുകയും ചെയ്തിട്ടുളള കെ.റ്റി തോമസ് തയ്യാറാക്കിയ ഈ ബില്ല് പക്ഷപാതപരമാണ്.