നിർമ്മാണ തൊഴിലാളി ക്ഷേമ സെസ് ഇളവ്

കോട്ടയം: കെട്ടിട നിർമ്മാണ തൊഴിലാളി ക്ഷേമ സെസ് കുടിശികയിൽ ഇളവ് നൽകുന്നതിന് ലേബർ ഓഫീസിൽ അദാലത്ത് ആരംഭിച്ചു. വീടുകൾക്ക് പൂർണ്ണമായും വാണിജ്യ കെട്ടിടങ്ങൾക്ക് 50 ശതമാനവും പലിശ ഒഴിവാക്കും . പ്രളയത്തിൽ നശിച്ചവയ്ക്ക് സെസ് ഒഴിവാക്കുന്നതിനും നാശനഷ്ടം സംഭവിച്ചവയുടേത് തവണകളായി അടയ്ക്കുന്നതിനും സാക്ഷ്യ പത്രത്തിന്റെ അടിസ്ഥാനത്തിൽ നടപടി സ്വീകരിക്കും. റവന്യു റിക്കവറി കേസുകൾ ഒറ്റത്തവണ തീർപ്പാക്കുന്നതിനുള്ള അവസരവുമുണ്ട്. വിവരങ്ങൾക്ക് കോട്ടയം, ചങ്ങനാശ്ശേരി , വൈക്കം താലൂക്കുകളിലുള്ളവർ 8547655285 എന്ന നമ്പരിലും കാഞ്ഞിരപ്പള്ളി , മീനച്ചിൽ താലൂക്കുകളിലുള്ളവർ 8547655303 , 0481 2564365 എന്നീ നമ്പരുകളിലും ബന്ധപ്പെടണം.