ചലച്ചിത്രമേള സമാപിച്ചു.

കോട്ടയം. മഴവില്ല് വനിതാഫിലിം സൊസൈറ്റി ചലച്ചിത്രമേള സമാപിച്ചു. മേളയിൽ

മൂന്ന് ദിവസങ്ങളിലായി 13 സിനിമകൾ പ്രദർശിപ്പിച്ചു. അഞ്ച് സംവിധായകരും മറ്റ് ചലച്ചിത്ര പ്രവർത്തകരും എത്തി. നാടക-ചലച്ചിത്ര നടി നിലമ്പൂർ ആയിഷയാണ് ഉദ്ഘാടനം നിർവഹിച്ചത്. അവസാന ദിവസം കോറൽ വുമൺ എന്ന ഡോക്യുമെന്ററി , വയനാട്ടിലെ പണിയ സമൂഹം അനുഭവിക്കുന്ന ചൂഷണം തുറന്ന് കാണിക്കുന്ന നിരവധി അവാർഡുകൾ നേടിയ 'കെഞ്ചീര' എന്നിവ പ്രദർശിപ്പിച്ചു. സംവിധായകൻ മനോജ് കാന കാണികളുമായി സംവദിച്ചു. സ്കൂൾ ഒഫ് ഗാന്ധിയൻ തോട്ട്സ് അദ്ധ്യാപകൻ ഡോ.ഇല്യാസ്, ഡോ. രശ്മി ജി, ഡോ.ബാബുജി തുടങ്ങിയവർ പങ്കെടുത്തു.