എൻട്രൻസിന് ധനസഹായം.

കോട്ടയം. പട്ടികജാതി വിഭാഗത്തിൽപ്പെട്ട വിദ്യാർത്ഥികൾക്ക് എൻട്രൻസ് പരിശീലനത്തിന് ധനസഹായം. എല്ലാ വിഷയങ്ങൾക്കും ബി പ്ലസിൽ കുറയാത്ത ഗ്രേഡ് വാങ്ങി സയൻസ് ഗ്രൂപ്പെടുത്ത് ഇപ്പോൾ പ്ലസ് വണ്ണിന് പ്രവേശനം നേടിയവർക്കാണ് അവസരം. വാർഷിക വരുമാനം നാലര ലക്ഷം രൂപയിൽ കവിയരുത്. എസ്.എസ്.എൽ.സി, പ്ലസ് ടു സർട്ടിഫിക്കറ്റുകൾ, ജാതി, വരുമാനം എന്നിവ തെളിയിക്കുന്ന സർട്ടിഫിക്കറ്റുകൾ, ആധാർ കാർഡ്, ബാങ്ക് പാസ് ബുക്കിന്റെ പകർപ്പ് എന്നിവയുടെ സ്വയംസാക്ഷ്യപ്പെടുത്തിയ പകർപ്പുകൾ, പഠിക്കുന്ന സ്ഥാപനത്തിൽ നിന്നുള്ള സാക്ഷ്യപത്രം എന്നിവ സഹിതം നവംബർ 15നകം അപേക്ഷിക്കണം. ഫോൺ: 0481 25 62 503.