കാപ്പുഴ അഴിമുഖത്ത് ആർ.ഡി.ഒയുടെ സന്ദർശനം

വടകര: അഴിയൂർ ഗ്രാമപഞ്ചായത്തിലെ പതിനഞ്ചാം വാർഡിൽ വരുന്ന കാപ്പുഴ അഴിമുഖം വടകര ആർ.ഡി.ഒ സി.ബിജു സന്ദർശിച്ചു. കാപ്പുഴയിലെ നീരൊഴുക്ക് തടസപ്പെടുംവിധം രൂപപ്പെട്ട മണ്ണ് നീക്കംചെയ്യുന്നതിനായി പഞ്ചായത്ത് നൽകിയ അപേക്ഷ പ്രകാരമാണ് ആർ.ഡി.ഒയുടെ സന്ദർശനം. പഞ്ചായത്തിന്റെ ടേക്ക് എ ബ്രേക്ക് നിർമ്മിക്കുവാൻ കണ്ടെത്തിയ മുക്കാളിയിലെ ദേശീയപാത വിഭാഗത്തിന്റെ കൈവശമുള്ള സ്ഥലം പഞ്ചായത്തിന് വിട്ടുകിട്ടാനും മുക്കാളി കാപ്പിലെ പുറമ്പോക്ക് സ്ഥലം ലഭിക്കാനും ഇടപെടണമെന്ന് പഞ്ചായത്ത് പ്രതിനിധികൾ ആർ.ഡി.ഒവിനോട് ആവശ്യപ്പെട്ടു. പരിശോധനയിൽ പഞ്ചായത്ത് പ്രസിഡന്റ് ആയിഷ ഉമ്മർ, പഞ്ചായത്ത് സെക്രട്ടറി ടി.ഷാഹുൽ ഹമീദ് , ബ്ലോക്ക് പഞ്ചായത്ത് മെമ്പർ കോട്ടയിൽ രാധകൃഷ്ണൻ, പതിനഞ്ചാം വാർഡ് മെമ്പർ കവിത അനിൽകുമാർ ,അജയകുമാർ മാളിയേക്കൽ ,വി.പി.അനിൽ കുമാർ എന്നിവർ പങ്കെടുത്തു.